Iqtisodiyot

8 may 2022, 14:40

O‘zbekistonda valyuta kursi inflyatsiyaga qanday ta’sir ko‘rsatadi?

Markaziy bank valyuta kursi narxlarga qanday ta’sir ko‘rsatishini tahlil qildi. Valyuta kursining o‘zgarishi inflyatsiyaga bevosita — import qilinadigan tayyor mahsulotlar narxlarining o‘zgarishi hisobiga hamda bilvosita — import qilinadigan xom ashyo narxlarining o‘zgarishi hisobiga ta’sir qilishi mumkin. Almashuv kursining 1 foiz bandga qadrsizlanishi uzoq muddatda inflyatsiyaning 0,28 foiz bandga tezlashishiga sabab bo‘ladi.

7 may 2022, 17:16

Korxonaning oxirgi benefitsiarini oshkor qilishni qonun hujjatlariga kiritish taklif etilmoqda

Adliya vazirligi tomonidan ishlab chiqilgan qonun loyihasi qabul qilinsa, ayrim korxonalar o‘zlarining oxirgi benefitsiar egalarini oshkor qilishlari talab etiladi. Shuningdek, vazirlik ushbu qonun korrupsiya va pul yuvishga qarshi kurashda qanday yordam berishini tushuntirdi.

7 may 2022, 09:50

Shuxrat Rasulov “O‘zagrosug‘urta” kompaniyasi rahbari etib tayinlandi

“Oʻzagrosugʻurta” kompaniyasi kuzatuv kengashi qarori bilan Shuxrat Rasulov tashkilot boshqaruv raisi vazifasini bajaruvchisi etib tayinlandi. U bunga qadar “Agrobank” boshqaruvi raisining birinchi oʻrinbosari lavozimida ishlagan. “Oʻzagrosugʻurta” kompaniyasini 2019 yildan buyon Sarvar Otamurodov boshqarib kelayotgan edi.

6 may 2022, 20:24

«Aeroflot» Moskvadan Toshkentga parvozlarni tiklamoqda

Rossiyaning «Aeroflot» aviakompaniyasi 20 maydan boshlab Moskva — Toshkent yo‘nalishi bo‘yicha parvozlarni tiklamoqda. Parvozlar Airbus A330 laynerlarida ular lizingiga YeI sanksiyalari yumshatilgani ortidan amalga oshiriladi.

6 may 2022, 15:52

Toshkentdagi muzeylarni rekonstruksiya qilish bo‘yicha loyihachi va pudratchi tendersiz tanlandi

Turkiyaning Outdoor Factory kompaniyasi Toshkentdagi uchta davlat muzeyini rekonstruksiya qilish loyihasi doirasida tendersiz loyiha hujjatlarini ishlab chiqish va pudrat ishlarini amalga oshirish huquqini qo‘lga kiritdi.Kompaniya «Istiqlol» majmuasi, «Yangi O‘zbekiston» istirohat bog‘i va universiteti, Toshkentning Eski shahar hududidagi sayyohlik markazi va boshqalarni loyihalash va qurishda ishtirok etgan.

6 may 2022, 11:09

«O‘ztransgaz» 2021 yilni 2,5 trln so‘mdan ziyod zarar bilan yakunladi

2021 yildagi moliyaviy hisobotlar tahliliga ko‘ra, «Navoiy kon-metallurgiya kombinati» eng ko‘p sof foyda (10 639,8 mlrd so‘m) olgan va eng ko‘p dividend (9,5 trln so‘m) to‘lagan korxona deb topildi. «O‘ztransgaz» esa eng ko‘p zarar (2,5 trln so‘m) ko‘rgan tashkilot bo‘ldi. Davlat ishtirokidagi 20 ta zarar ko‘rib ishlagan tashkilotlar orasida ikkita futbol jamoasi ham bor.

6 may 2022, 09:02

O‘zbekistondagi 10 ta eng yirik soliq to‘lovchilar prognozi e’lon qilindi

Moliya vazirligi O‘zbekistondagi 10 ta eng yirik soliq to‘lovchi tashkilot bo‘yicha prognoz ma’lumotlarini e’lon qildi. Unda Navoiy (20,2%) va Olmaliq (11%) kon-metallurgiya kombinati eng yuqori o‘rinlarni egalladi.

5 may 2022, 16:31

Maynerlar uchun ro‘yxatdan o‘tish va energiya uchun oshirilgan tarif joriy etiladi

O‘zbekistonda maynerlar uchun majburiy ro‘yxatdan o‘tish, elektr energiyasiga oshirilgan tariflar va boshqa talablar joriy etilmoqda. Faqatgina kompaniyalar mayning bilan shug‘ullanishi mumkin. To‘lov vositasi sifatida kriptovalyutadan foydalanish taqiqlanadi.

5 may 2022, 11:41

Alisher Usmonov YeI sanksiyalar ro‘yxatiga kiritilgani ustidan Yevropa sudiga shikoyat qildi

Rossiyalik milliarder Alisher Usmonov YeI kengashining unga nisbatan sanksiyalar qo‘llash haqidagi qarorini bekor qilishni talab qilib, Yevropa sudiga da’vo arizasi bilan murojaat qildi.

2 may 2022, 17:28

Aprel oyida inflyatsiya qariyb 1,5%ni tashkil etdi

Aprel oyida tovarlar va xizmatlar narxlari 1,47%ga qimmatlashdi. Yillik inflyatsiya biroz pasayib, 10,4%ga tushdi. Oziq-ovqat narxlari oldingi yillarga nisbatan sekinroq, sanoat tovarlari esa tezroq o‘sgan.

29 aprel 2022, 16:39

Rublning rasmiy kursi tarixiy rekordni qayd etdi

Rublning so‘mga nisbatan rasmiy kursi 4,76 so‘mga ko‘tarilib, 157,52 so‘mga teng bo‘ldi. Rublning ushbu kursi o‘z tarixidagi eng yuqori ko‘rsatkichi hisoblanadi. Dollar rasmiy kursi ketma-ket oltinchi kun pasayib, 11 161,96 so‘mni tashkil qildi. Yevro kursi esa ko‘tarildi.

29 aprel 2022, 16:06

O‘zbekistonliklarning real daromadlari o‘sishi sekinlashdi

2022-yilning birinchi choragida O‘zbekiston aholisining real daromadlari o‘sishi 3,3 foizgacha sekinlashdi. Ushbu ko‘rsatkich 2021-yilda 7,7 foizga teng bo‘lgandi. Aholining daromadlar tarkibida pul o‘tkazmalarining ulushi kamaydi. Shu bilan birga, aholi jon boshiga umumiy daromad 3,2 mln so‘mgacha ko‘tarildi.

29 aprel 2022, 15:50

«Jinoyat sodir qilgan bank mas’ulining boshqa bir bankka borib ishga joylashishi noto‘g‘ri» — Senat raisi

Senat raisi Tanzila Narbayevaning fikricha, tijorat banklarida amalga oshirilayotgan korrupsion holatlar islohotlarga soya solmoqda. Shuningdek, u bitta bankda jinoyat sodir qilgan bank mas’ulining boshqa bir bankka borib ishga joylashishi noto‘g‘ri ekanligini aytib o‘tdi.

29 aprel 2022, 15:39 2

1 maydan boshlab pensiya va nafaqalar 12%ga oshiriladi

Prezident farmoni bilan 1 maydan boshlab pensiya va nafaqalar 12%ga oshiriladi. Shuningdek, zarur ish stajiga ega bo‘lmagan hamda boquvchisini yo‘qotganlar uchun oylik nafaqa miqdori 500 ming so‘m etib belgilandi.

28 aprel 2022, 22:47

O‘zbekiston oltin bozorida Rossiya bilan raqobatlashmaydi — Shuhrat Vafoyev

O‘zbekiston Rossiya oltinini tashqi bozorlarda almashtirishni rejalashtirmayapti, deya ta’kidladi investitsiyalar va tashqi savdo vaziri o‘rinbosari Shuhrat Vafoyev RBKga. 2021 yilda bu davlatlar qimmatbaho metallar eksporti bo‘yicha jahon yetakchilari qatoridan joy oldi.

28 aprel 2022, 15:27

Markaziy bank kreditlarga kafil bo‘lgan fuqarolarni ogohlantirdi

Markaziy bank o‘z vaqtida qaytarilmayotgan kreditlar bo‘yicha qarzdorlik to‘g‘ridan-to‘g‘ri kafillarning hisob raqamidan yechib olinayotgani yuzasidan izoh berdi. MB kafil bo‘layotgan fuqarolarni o‘zi va qarz oluvchining kelajakda yo‘liqishi mumkin bo‘lgan moliyaviy risklarni to‘g‘ri tahlil qilishga chaqirdi.

28 aprel 2022, 14:51

Moliya vazirligi tadbirkorlar hisobotlarini topshirish muddatini uzaytirishni rejalashtirmoqda

O‘zbekiston Moliya vazirligi tadbirkorlarga moliyaviy hisobotlarni topshirishda yengilliklar berishni rejalashtirmoqda. Unga ko‘ra, yillik hisobotlarni keyingi yilning 1 apreligacha, choraklik hisobotlarni esa hisobot davridan keyin 40 kun ichida taqdim etishga ruxsat berilishi mumkin.

28 aprel 2022, 13:53

Loyiha boshqaruvi milliy agentligi Istiqbolli loyihalar milliy agentligi etib qayta tashkil etildi

Prezident farmoni bilan Loyiha boshqaruvi milliy agentligi Istiqbolli loyihalar milliy agentligi etib qayta tashkil etildi. Kripto-aktivlar aylanmasi sohasida yagona davlat siyosatini ishlab chiqish agentlikning ustuvor vazifalaridan biri etib belgilandi.

28 aprel 2022, 13:09

Fix Price yil boshidan buyon O‘zbekistondagi 12 ta do‘konini yopdi

Rossiyaning Fix Price diskaunterlar tarmog‘i yil boshidan buyon O‘zbekistondagi 12 do‘konini yopdi, yana 30 tasi o‘z faoliyatini davom ettirmoqda.

28 aprel 2022, 12:04

O‘qituvchi va shifokorlarning maoshi boshqa sohalarga qaraganda sekin o‘smoqda

So‘nggi besh yil ichida ta’lim sohasida o‘rtacha ish haqi 2,5 barobar oshdi, biroq mamlakatdagi o‘rtacha ish haqiga nisbatan farq 16,8 foizdan 26,5 foizgacha ko‘tarildi. Sog‘liqni saqlash sohasida esa tafovut asta-sekin qisqardi, ammo 2022 yil yanvar-mart oylarida u besh yil avvalgi ko‘rsatkichga qaytdi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting