Iqtisodiyot

18 may 2022, 17:20

Gaz importidan qo‘rqish kerak emas — «O‘ztransgaz» rahbari

«O‘ztransgaz» rahbari Behzot Normatov O‘zbekiston qazib olish hajmi kamayishi va ichki talab ortishi ortidan gazni import qila boshlaganini aytdi. «Import qilishdan hech qachon qo‘rqish kerak emas. Iqtisodiyotimiz to‘xtamasligini xohlasak, biz kafolatlangan energoresurslarni zaxirasi bilan birga ta’minlab berishimiz kerak», — deya ta’kidladi u. 2021 yilda O‘zbekistonda gazni import qilish qiymat jihatidan 3 baravarga oshdi.

18 may 2022, 14:44

Antimonopoliya qo‘mitasi UzIMEI, radarlar va Yagona imtihon markazi bo‘yicha yakuniy xulosa beradi

Monopoliyaga qarshi kurashish qo‘mitasi rahbari Shaxrux Sharaxmetov UzIMEI tizimi, radar o‘rnatish nuqtalarining auksionda sotilishi va haydovchilar uchun Yagona imtihon markazi masalalari kun tartibida turgan «eng murakkab va dolzarblari» hisoblanishini ma’lum qildi. Uning so‘zlariga ko‘ra, qo‘mita raqobat nuqtai nazaridan bu kabi holatlarni nazorat qila oladimi, uning vakolatiga kiradimi yoki yo‘qmi degan masala turibdi.

17 may 2022, 15:04

Antimonopoliya qo‘mitasi Sog‘liqni saqlash vazirligiga nisbatan ish ochdi

Antimonopoliya qo‘mitasi Toshkent shahri va viloyatidagi 178 ta laboratoriya Intermed Innovation kompaniyasiga o‘tkazilishiga oid ma’lumotlarni taqdim etmaganligi uchun SSVga nisbatan ma’muriy ish qo‘zg‘atdi. «Agar shu hafta berilmasa tegishli tartibda ma’muriy javobgarlik bo‘yicha choralar ko‘riladi», — dedi qo‘mita vakili.

17 may 2022, 13:06

«O‘zbekkosmos» Buyuk Britaniyaning OneWeb kompaniyasi bilan hamkorlik qiladi

«O‘zbekkosmos» agentligi Buyuk Britaniyaning sun’iy yo‘ldoshli aloqa xizmatlarini ko‘rsatuvchi OneWeb kompaniyasi bilan hamkorlik memorandumini imzoladi. Tomonlar chekka hududlarni yuqori tezlikdagi internet bilan ta’minlash ustida ish olib borish niyatida.

16 may 2022, 21:08

«Imtiyozli kreditlar — samarali pul-kredit siyosati uchun jiddiy muammo» — MB

Markaziy bank imtiyozli kreditlash amaliyotining makroiqtisodiy samaradorligi pastligi va ushbu amaliyot samarali pul-kredit siyosati uchun jiddiy muammolardan biri ekanligini qayd etdi. 2019 yildan boshlab ularni bozor foizlariga yaqinlashtirish uchun stavkalar ko‘tarila boshladi, biroq, MB asosiy stavkasi o‘sishi bilan o‘rtadagi farq yana oshdi.

16 may 2022, 12:21

MDH mamlakatlarida pul o‘tkazmalari inqirozi kutilmoqda — Jahon banki

Jahon banki prognoziga ko‘ra, Rossiyaga qarshi sanksiyalar va Ukrainadagi inqiroz MDH davlatlari, shu jumladan O‘zbekistonda pul o‘tkazmalarining qisqarishiga olib keladi. Shuningdek, 2022 yilda Rossiya YAIM tushishi va rublning dollarga nisbatan qadrsizlanishi migrantlarning bandligi va daromadlarini kamaytirishi mumkin, bu esa MDHda qashshoqlik muammosini yanada kuchaytiradi.

16 may 2022, 11:01

«O‘zbekneftgaz» tomonidan Ustyurtdagi gaz zaxiralari hajmi 395,6 mlrd kub metrga yetkazildi

«O‘zbeknetgaz» tomonidan Ustyurt hududida 5 ta yangi gazkondensat koni ochilib, ular soni 25 taga yetkazildi. Mazkur hududdagi umumiy zaxiralar hajmi 395,6 mlrd kub metr tabiiy gaz, 96 mln tonna neft va 14,6 mln tonna gaz kondensatini tashkil qilmoqda.

15 may 2022, 18:19

Moskva birjasi so‘mda valyuta savdosini yo‘lga qo‘yish masalasini ko‘rib chiqadi

Moskva birjasi yaqin vaqtda savdo qilinadigan valyutalar ro‘yxatini kengaytirishni rejalashtirmoqda. Xususan, o‘zbek so‘mi bilan savdolarni yo‘lga qo‘yish masalasi muhokama qilinmoqda, deb xabar beradi RBK. Bunday qarorning ko‘rib chiqilishi g‘arb sanksiyalari, dollar savdosi hajmining kamayishi va Rossiyadagi valyuta nazorati bilan bog‘liq. Ushbu mexanizm parallel import uchun ham qo‘llanilishi mumkin.

14 may 2022, 11:46

Soliq huquqbuzarliklari haqida xabar berganlarni mukofotlash tartibi belgilandi

Hukumat qarori bilan soliq huquqbuzarliklari haqida xabar berganlarga jarimaning 20 foizi miqdorida pul mukofotini to‘lash tartibi belgilandi. Fuqarolar terminal mavjud emasligi, naqd va karta orqali to‘lovda tafovut, tovarlarni qalbaki markirovkalash va xizmat ko‘rsatish qoidalarini buzish kabi holatlarni aniqlasa Soliq mobil ilovasi orqali xabar berishi mumkin.

13 may 2022, 17:26

«Bu inson huquqlarini ochiqdan-ochiq poymol qilish». Huquqshunos «tonirovka» haqida

Huquqshunos Kamoliddin Bahavadinov «tonirovka»ga qo‘yilgan talab mantiqsizlikdan boshqa narsa emasligi va unga qo‘yilgan narx «kosmik» darajada qimmatligini tanqid qildi. «Odam yozda o‘zini biroz qulay his qilishi uchun 6 oylik oyligini yemay, ichmay berishi shaxsan men uchun mantiqsizlik. Bu inson huquqlarini ochiqdan-ochiq poymol qilish», — dedi u. Qolaversa, mashina orqa yon oynasiga parda taqishga ruxsat borligi va «tonirovka» mumkin emasligini hech kim tushuntirib bera olmasligini aytdi.

12 may 2022, 23:04

Bug‘doy ishlab chiqarishdagi islohotlar un va non narxiga qanday ta’sir qiladi?

Moliya vazirligi bug‘doy ishlab chiqarishdagi islohotlar, ya’ni bug‘doy narxini erkinlashtirish ortidan un va non narxlarining sezilarli o‘zgarishini kutmayapti. Moliya vazirligi departament direktori To‘lqin Mirzayevning ta’kidlashicha, bugungi kunda bug‘doy va un bozorining 70−80 foizi bozor narxlarida shakllanmoqda. Qolaversa, davlat ijtimoiy himoyaga muhtoj aholi qatlamlarini qo‘llab-quvvatlash chora-tadbirlarini ishlab chiqmoqda.

12 may 2022, 11:51

Air Marakanda ish va xizmatlari narxlari xorijiy valyutaga bog‘lanishiga ruxsat berildi

Prezident farmoni bilan Samarqand aeroportini boshqaruvchi Air Marakanda kompaniyasiga ish va xizmatlar narxlari chet el valyutalariga bog‘lanishiga ruxsat berildi.

12 may 2022, 10:46

Kutilayotgan suv tanqisligi sharoitida sug‘orish uchun suv olish limitlari tasdiqlandi

Hukumat kutilayotgan suv tanqisligi sharoitida O‘zbekistonda sug‘orish uchun suv olish limitlarini tasdiqladi. Mamlakat bo‘yicha limit 28,2 mlrd kub metr suvni tashkil etadi, bu o‘tgan yili olingan suvning taxminan 94,5 foiziga teng.

12 may 2022, 09:24

«O‘zbekneftgaz» raisiga yangi o‘rinbosarlar tayinlandi

«O‘zbekneftgaz» kompaniyasida raisning transformatsiya masalalari bo‘yicha birinchi o‘rinbosari, qurilish va transport hamda iqtisodiyot va moliya masalalari bo‘yicha o‘rinbosarlari lavozimga tayinlandi.

11 may 2022, 18:30

«Biz ishtahamizni yo‘qotmadik». OTP Bank vakili — O‘zbekiston bozoriga kirish haqida

OTP Bank «Ipoteka-bank» ning davlat ulushini sotib olishni Rossiya va Ukrainadagi vaziyatga oydinlik kiritilgungacha kechiktirdi, deb xabar berdi bankning moliyaviy direktori Laslo Benchik. Uning so‘zlariga ko‘ra, Vengriyaning OTP banki kelishuvga bo‘lgan qiziqishini saqlab qolmoqda, biroq O‘zbekiston tomoni ularni kutishga majbur emas.

11 may 2022, 17:10

1 iyundan g‘allani sotib olish va sotishda bozor narxlariga o‘tiladi

1 iyundan davlat g‘allani bozor narxlarida sotib oladi va sotadi. Shavkat Mirziyoyev eski tizim don yetishtiruvchiga ham, qayta ishlovchi korxonalarga ham manfaat bermayotganini ta’kidladi. 1 tonna bug‘doy narxi o‘tgan yildagi 1,5 mln so‘mdan 3 mln so‘mga oshiriladi.

11 may 2022, 15:45

Germaniya elchisi — UzAuto Motors monopoliyasini bekor qilish haqida

O‘zbekistonda yengil avtomobillar ishlab chiqarish ma’muriy ko‘rsatmalar himoyasida edi va germaniyalik ishlab chiqaruvchilar tomonidan yangi sarmoyalar kiritish imkoniyatlari ancha past bo‘lgan, deya ta’kidladi Germaniya elchisi Tilo Klinner. Bu vaziyat o‘zgarishi kerak, chunki uning so‘zlariga ko‘ra, 2025 yilgacha UzAuto Motors monopoliyasiga barham berish rejalashtirilgan.

11 may 2022, 15:14

O‘zbekistonda rossiyaliklarga tegishli kompaniyalar soni ko‘paya boshladi

2022 yil boshidan beri O‘zbekistonda Rossiya kapitali ishtirokidagi korxonalar soni ko‘paya boshladi. Xususan yanvar oyida 23 ta yangi kompaniya tashkil etilgan bo‘lsa, aprelning o‘zida ularning soni 103 taga oshgan, shundan 45 tasi AKT yo‘nalishidagi kompaniya hisoblanadi.

11 may 2022, 11:03

Mart oyida xorijiy valyutadagi omonatlarga qiziqish keskin oshdi. Sabablar

Birinchi chorakda o‘zbekistonliklar xorijiy valyutadagi omonatlarga 2,2 trln so‘m ekvivalentidagi mablag‘larni yo‘naltirdi. Ularning aksariyati mart oyiga to‘g‘ri keladi. Markaziy bank xorijiy valyutadagi omonatlarga talab ortishi sabablarini tushuntirdi.

10 may 2022, 10:15

Global beqarorlik sharoitida QQS bo‘yicha imtiyozlar narxlar o‘sishining oldini olishga yordam beradimi?

Global beqarorlik sharoitida ichki bozorda narxlar barqarorligini ta’minlash maqsadida ayrim turdagi oziq-ovqat mahsulotlarini olib kirish va sotishda QQSning nol stavkasi muddati 31 dekabrgacha uzaytirildi. Imtiyozli davrning uzaytirilishi go‘sht va kartoshka bozorida kutilgan natijani berishi kutilmoqda, biroq o‘simlik yog‘i narxlari barqarorlashuvi uchun yetarli bo‘lmasligi mumkin. Iqtisodchi, «Gazeta.uz» kolumnisti Mirkomil Xolboyev Ukrainadagi urush ortidan jahon iqtisodiyotida yuzaga kelgan tanglik sharoitida QQS imtiyozlarining ichki bozordagi narxlarga qanday ta’siri qilishi haqida so‘z yuritadi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting