Iqtisodiyot

14 iyul 2021, 21:02

2021 yilda oyliklar va JSHDS bo‘yicha to‘lovlarda qanday o‘zgarish bo‘ldi

Ish haqidan soliq to‘laydigan o‘zbekistonliklar soni yil davomida qariyb 500 ming kishiga ko‘payib, 4,64 million nafarga yetdi. Ularning ko‘pchiligi haligacha 1 mln so‘mgacha miqdorda oylik oladi, biroq iqtisodiy faollik qayta tiklangani munosabati bilan 2 mln so‘m va undan ko‘p oylik oladigan soliq to‘lovchilar soni oshdi, deyiladi Moliya vazirligi hisobotida.

14 iyul 2021, 16:19

Dollarning rasmiy kursi ketma-ket uchinchi kun ko‘tarildi

Dollarning rasmiy kursi 10,91 so‘mga ko‘tarildi va jami 10 660,00 so‘m etib belgilandi. Shuningdek, rubl kurslri ham biroz ko‘tarildi, yevro kursi biroz pasaydi.

14 iyul 2021, 15:25

Toshkent hokimligi davlat organlari tomonidan yetkazilgan zararni qoplab beradi

Toshkent byudjetidan davlat organlari yoki ushbu organlar mansabdor shaxslarining qonunga xilof harakatlari (harakatsizliklari) natijasida fuqarolar yoki yuridik shaxslarga yetkazilgan moddiy va ma’naviy zararni qoplash xarajatlari uchun 5,72 mlrd so‘m ajratiladi. Hokimning qaroriga binoan yetkazilgan zarar sud qarorlari asosida qoplanadi.

14 iyul 2021, 12:24

Vaksina olish uchun yaratilgan imkoniyatlardan 2 baravar past darajada foydalanyapmiz — Nurmat Otabekov

SES rahbari o‘rinbosari Nurmat Otabekov ta’kidlashiga ko‘ra, hozirda O‘zbekiston bo‘ylab emlash tadbirlari uchun yaratilgan imkoniyatlarning teng yarmidan foydalanilmoqda. Har bir emlash punktida kuniga 36 nafar fuqaro emlanmoqda, rejada esa 70 kishi bo‘lgan. «Vaksinadan boshqa biz epidemik vaziyatni barqarorlashtiradigan bir taklifni yoki qandaydir tashabbusni ko‘rmayapmiz», — dedi u. Shuningdek, vaksinatsiya jarayonlarida faol ishtirok etayotgan tibbiyot xodimlariga rag‘bat sifatida moddiy qo‘llab-quvvatlash mexanizmlarini joriy etish rejalashtirilmoqda.

14 iyul 2021, 10:29

12 nafar o‘zbekistonliklar Buyuk Britaniyaning «oltin vizasi» ni olgan

2008 — 2020 yillarda 12 nafar o‘zbekistonlikka Buyuk Britaniyaning «oltin vizasi» berilgan, biroq ularning kimligi haqida ma’lumot yo‘q. Hisobotga ko‘ra, mazkur vizalarning aksariyatini korrupsiya xavfi yuqori bo‘lgan Xitoy, Rossiya, Gongong va AQSh kabi mamlakatlar fuqarolari olgan.

14 iyul 2021, 09:25

Mobil ilova orqali ko‘rsatiladigan davlat xizmatlarini 100 taga yetkazish zarur — prezident

Shavkat Mirziyoyev raqamli texnologiyalarni joriy etish chora-tadbirlariga oid taqdimot bilan tanishdi. Unda raqamli iqtisodiyot xizmatlarini 16 trln so‘mga, kompyuter dasturlari eksportini 40 mln dollarga yetkazish mumkinligi ta’kidlandi. Bundan tashqari, mobil ilova orqali ko‘rsatiladigan davlat xizmatlari sonini 100 taga yetkazish belgilandi. Vazir, viloyat, tuman va shahar hokimlari portallarini shakllantirish bo‘yicha topshiriq berildi.

13 iyul 2021, 20:17

Toshkent metropoliteni 63,3 mln yevroga Rossiyada ishlab chiqarilgan 10 ta poyezd sotib oladi

Toshkent metropoliteni uchun Rossiyada ishlab chiqarilgan 10 ta poyezd sotib olishga 63,3 mln yevro yo‘naltirilmoqda. Byudjetdan 8,7 mln yevro ajratilsa, qolgan mablag‘lar kreditlar hisobidan qoplanadi.

13 iyul 2021, 16:45

O‘zbekiston London fond birjasiga $635 mln va 2,5 trln so‘mlik yevrobondlarni joylashtirdi

O‘zbekiston London fond birjasiga 635 mln dollar va 2,5 trln so‘m qiymatdagi xalqaro obligatsiyalarni joylashtirdi. Yevrobondlarning dollar va so‘mda asosiy xaridorlari investitsiya fondlari bo‘ldi.

13 iyul 2021, 16:08

Dollarning rasmiy kursi yana ko‘tarildi

Dollarning rasmiy kursi 12,09 so‘mga ko‘tarildi va jami 10 649,09 so‘m etib belgilandi. Shuningdek, yevro va rubl kurslari ham biroz ko‘tarildi.

13 iyul 2021, 14:50

2021 yilda O‘zbekistonda biznes yuritish qiymati ma’lum qilindi

USAID, ITSV, PwC va BMTTD «O‘zbekistonda biznes yuritish qiymati 2021» yangi nashrini taqdim etdi. Unda korxonani ro‘yxatdan o‘tkazish, ish haqi bo‘yicha xarajatlar, soliqlar va soliq imtiyozlari, litsenziyalash, tashqi savdo tartibotlari va boshqalar keltirilgan.

12 iyul 2021, 21:58

2021 yilda O‘zbekistonda ichki valyuta bozori qanday o‘zgardi

Yanvar-iyun oylarida ichki valyuta bozorida xorijiy valyutadagi umumiy taklif hajmi 9,8 mlrd dollarni tashkil etdi. Talab esa 11,3 mlrd dollarga yetdi: kompaniyalar 9,3 mlrd dollar, aholi 2 mlrd dollar sotib oldi. Bundan tashqari, chet el valyutasini sotib oladigan korxonalarning o‘rtacha oylik soni keskin oshdi.

12 iyul 2021, 16:08

Dollarning rasmiy kursi biroz ko‘tarildi

Dollarning rasmiy kursi 15,51 so‘mga ko‘tarildi va jami 10 637 so‘m etib belgilandi. Shuningdek, yevro kursi ham biroz ko‘tarildi, rubl kursi esa biroz pasaydi.

12 iyul 2021, 11:12

Surxondaryoda tez tibbiy yordam uchun 5 ta Damas sotib olindi. SSV ushbu xizmatga Damas sotib olinmasligini aytgan edi

Surxondaryo viloyati Sog‘liqni saqlash boshqarmasi maxsus va tez tibbiy yordam avtoxo‘jaligi iyul oyida kamida beshta Damas-2 D13 avtomashinalarini xarid qilgan. SSV o‘rinbosari Amrillo Inoyatov o‘tgan yilning oxirida Damas rusumidagi avtomobillarni tibbiyot uchun sotib olish to‘xtatilganini aytgan edi.

11 iyul 2021, 13:05

O‘zbekiston besh oyda 291,6 mln dollarga teng bo‘lgan 526,9 ming tonna meva va sabzavotlar eksport qilgan

Yanvar-may oylarida qiymati 291,6 mln. AQSh dollariga teng bo‘lgan 526,9 ming tonna meva va sabzavotlar eksport qilingan. Eksport qilish bo‘yicha hududlar kesimida Toshkent, Farg‘ona hamda Samarqand viloyatlari yetakchilik qilmoqda.

11 iyul 2021, 11:21

“O‘zbekiston shampani” zavodining davlat ulushini sotib olish uchun arizalar qabul qilish boshlandi

O‘zini shampan va gazlangan vinolarni ishlab chiqarish bo‘yicha yagona ixtisoslashgan zavod sifatida tan oladigan “O‘zbekiston shampani” aksiyadorlik jamiyatining 51,48 foiz davlat ulushini sotib olish uchun arizalarni qabul qilish boshlandi.

9 iyul 2021, 17:58

Davlat xizmatchisining xorijda ko‘chmas mulki bo‘lsa, yanvargacha uni yo‘qotishi kerak — adliya vaziri

Adliya vaziri Ruslanbek Davletov davlat xizmatchilarining xorijda mol-mulkka ega bo‘lishi 1 yanvardan taqiqlanishini eslatib, bunda ushbu davrgacha davlat xizmatida bo‘lgan paytda orttirilgan mulk ham inobatga olinishini ta’kidladi. «Agar bo‘lsa, yanvargacha yo‘qotish kerak unaqa mulkini. Meros bo‘lib qoladigan bo‘lsa ham, u merosni sotib yoki xadya bo‘ladigan bo‘lsa, uni ham o‘zidan begonalashtirishi kerak», — dedi u.

9 iyul 2021, 16:25

Dollarning rasmiy kursi uch kunlik o‘sishdan so‘ng biroz pasaydi

Dollarning rasmiy kursi 9,26 so‘mga pasaydi va jami 10 621,49 so‘m etib belgilandi. Yevro va rubl kurslari esa biroz ko‘tarildi.

9 iyul 2021, 15:11

O‘zbekiston 870 mln dollarlik suveren yevrobondlarni joylashtiradi

O‘zbekiston umumiy qiymati 870 mln dollarga teng bo‘lgan yevro obligatsiyalarini ikkita transhda chiqaradi. Dollarli transh 10 yil muddatga, so‘mda ko‘rsatilgan yevrobondlar esa 3 yoki 5 yilga chiqariladi, deya xabar berdi moliya vaziri o‘rinbosari Odilbek Isoqov.

9 iyul 2021, 12:44

Saudiya taraqqiyot jamg‘armasi O‘zbekiston maktabgacha ta’lim sohasi uchun qariyb $11 mln ajratadi

O‘zbekiston hukumati va Saudiya taraqqiyot jamg‘armasi o‘rtasida maktabgacha ta’lim sohasini qo‘llab-quvvatlash uchun 10,9 mln AQSh dollar ekvivalentidagi kredit bitimi imzolandi.

9 iyul 2021, 11:08

Xonadonida pilla yetishtiruvchilarga subsidiya ajratiladi

2022 yil 1 yanvardan ho‘l pilla hosilining 1 kg uchun 5 ming so‘m miqdorida xonadonlarda pilla yetishtiruvchilarga subsidiya ajratiladi. Suv resurslaridan foydalanganlik uchun soliq stavkasi 50 foiz miqdorda qo‘llaniladi. Bundan tashqari, qorako‘lchilikni yanada rivojlantirishga 200 mlrd so‘m mablag‘ yo‘naltiriladi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting