Iqtisodiyot

8 oktabr 2022, 10:39

Aholi va tadbirkorlarning inflyatsion kutilmalari pasayishda davom etmoqda. Bu nimaga bog‘liq?

Sentabr oyida aholida import va oziq-ovqat mahsulotlarining qimmatlashuvi hamda narxlarning sun’iy oshishi bo‘yicha xavotirlar kamaydi. Biroq, ishbilarmonlar valyuta kursining o‘zgarishi, ish haqi va nafaqalarning oshishi, shuningdek, yoqilg‘i mahsulotlari va transport xarajatlarining qimmatlashuvidan xavotirda.

7 oktabr 2022, 22:08

Markaziy bank asosiy stavka ko‘rib chiqiladigan yig‘ilishni keyinga qoldirdi

Markaziy bank oktabr oyining ikkinchi yarmida xalqaro tashkilotlarning yangilangan makroiqtisodiy ko‘rsatkichlari e’lon qilinishini kutmoqda. Shu munosabat bilan regulyator asosiy stavka ko‘rib chiqiladigan yig‘ilishni bir haftaga qoldirishga qaror qildi.

7 oktabr 2022, 21:40

UzAuto Motors aksiyalarini birjaga joylashtirishni boshlashini ma’lum qildi

UzAuto Motors jismoniy va yuridik shaxslar sotib olishi mumkin bo‘lgan aksiyalarini birjaga joylashtirish boshlanganini ma’lum qildi. Bu O‘zbekistondagi yirik davlat kompaniyalarini amalga oshirgan ilk IPO bo‘ladi.

7 oktabr 2022, 16:46

Jismoniy shaxslar uchun kredit qarzlarini to‘lash tartibi o‘zgarmoqda

Markaziy bank tomonidan «Fuqarolik kodeksi»da belgilangan pul majburiyati bo‘yicha talablarni qondirish navbatiga o‘zgartirish kiritish bo‘yicha taklif berildi. Unga ko‘ra, jismoniy shaxslar mavjud kreditning dastlab muddati o‘tgan qismi va foizini, so‘ngra joriy qarzdorlik summasi va foizini to‘lashadi.

7 oktabr 2022, 10:42

«Turkiston» va Hi-tech bank`ning litsenziyasi bekor qilindi

Markaziy bankning 7 oktabrdagi tegishli qarorlari bilan «Turkiston» va Hi-tech bank`dan bank faoliyatini amalga oshirish huquqini beruvchi litsenziyalar chaqirib olindi. Shuningdek, banklarni tugatish komissiyasi tarkibi tayinlandi. Omonatchilarining barcha mablag‘lari 2 oydan so‘ng to‘liq qaytariladi.

6 oktabr 2022, 16:08

Jahon banki O‘zbekiston iqtisodiyoti prognozini ijobiy baholadi

Jahon banki 2022 yil uchun O‘zbekistonda YAIM o‘sishi prognozini 5,3 foizgacha yaxshiladi. Biroq 2023 yilda o‘sish 4,9% bo‘lishi tahmin qilinmoqda. Shuningdek, maqsadli ijtimoiy himoya dasturlari orqali qashshoqlik darajasi 2023 yilda 14,5 foizga, 2024 yilda esa 12,2 foizga tushishi kutilmoqda.

6 oktabr 2022, 15:39

AQSh paxtachilikdagi mehnat sharoitlarini yaxshilash uchun O‘zbekistonga $2 mln yo‘naltiradi

AQSh Mehnat vazirligi O‘zbekistondagi paxta korxonalari salohiyatini xalqaro mehnat standartlari va munosabatlariga moslashtirish maqsadida $2 mln grant ajratadi.

6 oktabr 2022, 11:26

So‘mdagi kreditlarning o‘rtacha foiz stavkalari pasaydi, dollarda esa oshdi

Milliy valyutadagi kredit stavkalari ketma-ket uchinchi oy pasayib, 22,2% ni tashkil etdi. Aholi kreditlari bo‘yicha foizlar 5 oy ichida minimal darajaga tushdi, biroq biznes qarzlari yana ko‘tarila boshladi. Xorijiy valyutadagi kreditlar bo‘yicha o‘rtacha stavka 2020 yil may oyidan beri maksimal darajaga yetdi.

5 oktabr 2022, 17:58

Markaziy bank fuqarolarning shikoyatlari ortidan 15 ta bankka ko‘rsatma berdi

Tarmoqlarda iste’molchilar bank xizmatlari, xususan, kartadan pul yechilganda bankomat naqd pul bermagani, kredit yopilgan bo‘lsa-da, kartadan pul yechib olingani yuzasidan shikoyat qilmoqda, deya ma’lum qildi MB. O‘rganishlar natijasida 15 ta bankka ko‘rsatma xatlari yuborildi.

5 oktabr 2022, 16:55

Dollarning rasmiy kursi yana ko‘tarildi

AQSh dollarining so‘mga nisbatan rasmiy kursi 17,69 so‘mga qimmatlab, 11 028,14 so‘m etib belgilandi. Shuningdek, yevro kursi ham ko‘tarildi, rubl esa yana pasaydi.

5 oktabr 2022, 16:04

OTB oziq-ovqat xavfsizligini yaxshilashga yordam berish uchun O‘zbekistonga $500 mln kredit ajratadi

Osiyo taraqqiyot banki O‘zbekiston hukumatiga aholini barqaror narxlarda oziq-ovqat mahsulotlari bilan ta’minlash, shuningdek, yil oxirigacha 8,9 mln nafardan ortiq ijtimoiy himoyaga muhtoj aholiga to‘lovlar to‘lash va qaytgan mehnat migrantlarini qo‘llab-quvvatlash uchun 500 mln dollar kredit ajratadi.

5 oktabr 2022, 11:08

O‘zbekistonda davlat boshqaruvi samaradorligi indeksi yaxshilandi, ammo bu yetarli emas

Jahon banki tomonidan tuzilgan davlat boshqaruvi sifati indeksida O‘zbekiston o‘z o‘rnini yaxshiladi. Indeks hisobdorlik, siyosiy barqarorlik, hukumat samaradorligi, korrupsiyani nazorat qilish va boshqa ko‘rsatkichlarni o‘z ichiga oladi. Shunga qaramasdan, mamlakat hamon o‘rtacha past ko‘rsatkichni qayd etmoqda.

5 oktabr 2022, 09:58

Uzbekistan Airways kompaniya rahbari bilan shartnomani 3 yilga uzaytirdi

Bir paytning o‘zida transport vaziri va Uzbekistan Airways rahbari bo‘lgan Ilhom Mahkamov bilan kompaniya o‘rtasida tuzilgan mehnat shartnomasi yana uch yilga uzaytirildi.

4 oktabr 2022, 16:40

Sentabr oyida eng past inflyatsiya darajasi qayd etildi

Sentabr oyida inflyatsiya 1,03% ni tashkil etib, oxirgi 6 yil ichidagi eng past ko‘rsatkichni qayd etdi. Yillik nisbatda iste’mol sektorida narxlarning o‘sish sur’ati 12,2% ga yetdi. Meva-sabzavot narxlariga mavsumiy omil hal qiluvchi ta’sir ko‘rsatishda davom etmoqda, deya ma’lumot berdi Statistika qo‘mitasi.

4 oktabr 2022, 16:30

Dollarning rasmiy kursi ko‘tarildi

AQSh dollarining so‘mga nisbatan rasmiy kursi 23,24 so‘mga qimmatlab, 11 010,45 so‘m etib belgilandi. Shuningdek, yevro kursi ham ko‘tarildi, rubl esa pasaydi.

3 oktabr 2022, 23:15

O‘zbekiston valyuta birjasida ilk bor fyuchers operatsiyalarini amalga oshirish imkoni yaratildi

Dushanba kuni Markaziy bank, O‘zRVB va boshqa mutasaddi vakillar ishtirokida yangi fyuchers platformasi va mobil ilovaning taqdimoti bo‘lib o‘tdi. Namoyishda shuningdek, likvidlik provayderlari, konrtagent faoliyat hamda risk defolt menejmenti kabi mavzularga ham e’tibor qaratildi.

3 oktabr 2022, 12:27

3-oktabrda tijorat banklari e’lon qilgan dollar kursi

Markaziy bank 3 oktabrda amalda bo‘ladigan AQSh dollarining rasmiy kursini 9,07 so‘mga pastlab, 11 004,94 so‘m etib belgiladi. Shundan so‘ng, tijorat banklari ham sotish va sotib olish bo‘yicha o‘z taklifini yangiladi.

3 oktabr 2022, 10:16

1-noyabrdan qovun, kanakunjut, xantal va maxsar urug‘lari eksportiga ruxsat beriladi

Prezident 30-sentabr kuni “Tadbirkorlik subyektlarining eksport salohiyatini yanada kengaytirish chora-tadbirlari to‘g‘risida"gi farmonni imzoladi. Unda 1-noyabrdan qovun, kanakunjut, xantal va maxsar urug‘lari eksportiga ruxsat berilishi belgilandi.

30 sentabr 2022, 17:57

Deyarli 4,5 mln o‘zbekistonlik soliqlardan 2,7 trln so‘m qarzdor — Soliq qo‘mitasi

Davlat soliq qo‘mitasi deyarli 4,5 mln o‘zbekistonlik mol-mulk va yer solig‘idan 2,7 trln so‘m qarzdor ekanini ma’lum qildi. Sohalar kesimida eng ko‘p qarzdorlik qishloq xo‘jaligi vazirligi tarkibidagi tashkilotlarda ishlovchi xodimlarda ekani ko‘rsatildi.

30 sentabr 2022, 12:16

Tijorat banklari dollarning yangi qiymatini belgiladi

Markaziy bank 30 sentabr kungi o‘zbek so‘mining AQSh dollariga nisbatan rasmiy kursini 14,23 so‘mga qimmatlab, 11 014,01 so‘m etib belgiladi. Shundan kelib chiqib, tijorat banklari ham o‘z takliflarini yangiladi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting