Iqtisodiyot

3 avgust 2022, 16:17

Dollar, yevro va rublning rasmiy kurslari pasaydi

AQSh dollarining so‘mga nisbatan rasmiy kursi 17,54 so‘mga arzonlab, 10 942,58 so‘m etib belgilandi. Shuningdek, yevro va rubl kurslari, shuningdek, funt sterling, yuan, iyena va tenge pul birliklari ham pasaydi.

3 avgust 2022, 15:56

Yil boshidan beri xodimlarga 82,5 trln so‘m ish haqi hisoblangan — Soliq qo‘mitasi

Davlat Soliq qo‘mitasi shu yilning birinchi yarmida 5,4 mln kishiga jami 82,5 trln so‘m ish haqi hisoblanganini ma’lum qildi. O‘rtacha oylik maosh miqdori — 2,8 mln so‘mni tashkil etmoqda. Eng ko‘p ish haqi Toshkent va Navoiyda, eng kami esa Farg‘ona va Sirdaryoda to‘lab berilgan.

2 avgust 2022, 23:08

Avtomobil bozori yarim yilda 2 barobardan ko‘proqqa o‘sdi

O‘zbekistonda avtomobil bozori yilning birinchi yarmida ikki baravardan ziyod oshdi. O‘sishning asosiy qismi eski avtomobillar savdosi bo‘yicha 308 ming bitim tuzilgan ikkilamchi bozorga to‘g‘ri keldi. Xorijiy avtomobillar savdosi 50 foizga oshdi.

2 avgust 2022, 17:55

Xitoy — Qirg‘iziston — O‘zbekiston temir yo‘li qurilishi bo‘yicha hujjat sentabr oyida imzolanadi

Sentabrda Samarqandda o‘tkaziladigan SHHT sammitida Xitoy — Qirg‘iziston — O‘zbekiston temir yo‘li qurilishi bo‘yicha uch tomonlama hujjat imzolanishi kutilmoqda. Hozir tomonlar loyihaning texnik-iqtisodiy asoslarini ishlab chiqish ustida faol ishlamoqda, — dedi O‘zbekiston TIV rahbari v. b. Vladimir Norov.

2 avgust 2022, 10:35

Yaponiya O‘zbekistonga tibbiy konteyner va tomografiya uchun skanerlar topshirdi

Yaponiya O‘zbekistonga kompyuter tomografiyasi uchun uchta skaner, ultratovush va rentgen apparati bilan jihozlangan mobil tibbiy-diagnostika konteynerini topshirdi. U chekka hududlar aholisiga, shu jumladan, tabiiy ofatlar paytida yordam berish uchun ishlatiladi.

2 avgust 2022, 10:18

Qishloq xo‘jaligi texnikalarini sotib olish uchun $100 mlnlik imtiyozli kreditlar ajratiladi

Moliya vazirligi qishloq xo‘jaligi texnikalari xaridi uchun 100 mln dollar miqdorda imtiyozli kreditlar ajratadi. Banklar qarzlarni milliy valyutada 10 yil muddatga imtiyozli davr bilan 10 foiz stavkada taqdim etadi. Avvalroq MB hukumatdan imtiyozli va direktiv kreditlar hajmini qisqartirishni so‘ragandi.

1 avgust 2022, 21:44

O‘zbekiston va Ozarbayjon 500 mln dollarlik investitsiya fondini ishga tushiradi

O‘zbekiston va Ozarbayjon qo‘shma loyihalarni moliyalashtirish uchun investitsiya fondini ishga tushiradi. Bir hafta ichida uni yaratish bo‘yicha yo‘l xaritasi ishlab chiqiladi, deya ma’lum qildi bosh vazir o‘rinbosari, investitsiyalar va tashqi savdo vaziri Jamshid Xodjayev.

1 avgust 2022, 21:08

Afg‘oniston 2022 yilda elektr energiyasi uchun to‘lovlarni tizimli ravishda amalga oshirmoqda — O‘zbekiston Energetika vazirligi

Afg‘onistonning 2021 yil uchun O‘zbekistondan elektr energiyasi bo‘yicha qarzi yo‘q. O‘tgan yil yetkazib berilgan elektr energiyasi uchun to‘lov to‘liq amalga oshirilgan, 2022 yil uchun yetkazib berish bo‘yicha hisob-kitoblar tizimli asosda amalga oshirilmoqda, deb xabar qildi Energetika vazirligi.

1 avgust 2022, 19:37

Chorvoqdagi «Piramidalar» dam olish maskani 208 mlrd so‘mga sotildi

Chorvoq suv omborining chap qirg‘og‘ida joylashgan «Chorvok oromgohi» («Piramidalar») dam olish maskani 208 mlrd so‘mga sotildi. Tenderda VIP Logistics g‘olib bo‘ldi.

1 avgust 2022, 15:52

NKMK $1,2 mlrdlik xalqaro kreditni jalb qildi

JPMorgan Chase, Citi, Societe Generale i Credit Suisse`dan iborat xorijiy banklar konsorsiumi Navoiy kon-metallurgiya kombinatiga investitsiya dasturini amalga oshirish uchun 1,2 mlrd dollar kredit ajratdi.

29 iyul 2022, 16:52

O‘zbekiston Hindistondan banan, mango, soya va guruch import qilinishiga ruxsat berdi

Hindiston O‘zbekistonga banan, mango, soya va guruch eksport qilishga ruxsat oldi, o‘zbekistonlik ishlab chiqaruvchilar esa Hindiston bozoriga uzum, olxo‘ri va gilos yetkazib bera oladi. Tomonlar boshqa qishloq xo‘jaligi mahsulotlari uchun cheklovlarni olib tashlashni muhokama qilmoqda.

28 iyul 2022, 17:45

Umumiy ovqatlanish va chakana savdo faoliyatini tartibga soluvchi talablar soddalashtiriladi

O‘zbekistonda umumiy ovqatlanish va chakana savdo faoliyatini tartibga solish talablari soddalashtiriladi, sohadagi tadbirkorlar faoliyatini qo‘llab-quvvatlash choralari ko‘riladi. Adliya vazirligi DSQ va SES bilan birga 1 sentabrgacha tegishli hujjat loyihasini Vazirlar Mahkamasiga kiritadi.

28 iyul 2022, 17:13

Dollarning rasmiy kursi yana pasaydi

AQSh dollarining so‘mga nisbatan rasmiy kursi 34,29 so‘mga arzonlab, 10 908,11 so‘m etib belgilandi. Shuningdek, yevro kursi ham pasaydi, rubl esa ko‘tarildi.

28 iyul 2022, 16:33

Olti oy ichida onlayn auksion orqali 174 mlrd so‘mlik avtoraqamlar sotildi

2022 yilning yanvar-iyun oylarida 174 mlrd so‘mlik 77 mingdan ziyod avtoraqamlar onlayn-auksionlar orqali sotildi. Tuzilgan bitimlarning o‘rtacha qiymati 2,2 mln so‘mni tashkil etgan.

28 iyul 2022, 14:24

Ayrim banklar xalqaro plastik kartalardan naqd valyuta yechib olishga komissiya o‘rnata boshladi

Xalqaro plastik kartalardan naqd pul yechib olish uchun «Kapitalbank» 0,7 foiz, «Ipak Yo‘li» banki esa 1 foiz miqdorda komissiya o‘rnatdi. Banklar buni naqd xorijiy valyuta muomalasini tartibga solish bilan izohladi. Iqtisodchi Otabek Bakirov qolgan banklar ham komissiya o‘rnata boshlashi mumkinligini ta’kidladi.

28 iyul 2022, 11:30

Biznes-ombudsman davlat organlari va hokimiyatlarda tekshiruvlar o‘tkazadi

Biznes-ombudsman tadbirkorlarni tekshirish jarayoni qonuniyligi va hujjatlar ijrosi yuzasidan davlat organlari va tashkilotlari, jumladan, mahalliy hokimiyatlarda ham tekshiruvlar o‘tkazadi. Qolaversa, hududlarda sayyor qabullar tashkil etilib, tadbirkorlar muammolarini joyida hal qilish choralari ko‘riladi.

28 iyul 2022, 10:59

Tadbirkorlar bilan muloqot qilish uchun maxsus portal tashkil etildi

Prezident farmoni bilan «Business.gov.uz» portali «Tadbirkor virtual ofisi» axborot portaliga aylantirildi. U orqali tadbirkorlarning murojaati 24 soat davomida qabul qilinadi, onlayn muhokamalar va so‘rovnomalar o‘tkaziladi, yakuni bo‘yicha esa biznes-ombudsman prezident va hukumatga takliflar kiritadi.

28 iyul 2022, 10:37

Ikki oyda beshta viloyatdagi AGTKSHlar 41 mlrd so‘mlik gazni noqonuniy ishlatgani aniqlandi

O‘zbekistonning bir qator viloyatlaridagi gaz quyish shoxobchalarida ikki oy davomida 41 mlrd so‘mlik gazdan noqonuniy foydalanish holatlari aniqlandi. Jizzax viloyatidagi 17 ta yoqilg‘i quyish shoxobchasidagi gaz o‘lchov tizimlariga tashqi ta’sir etish holatlari kuzatilgan.

27 iyul 2022, 20:59

O‘zbekistonda 2021 yilda o‘rtacha oylik ish haqi 2,6 mln so‘m bo‘ldi

Statistika qo‘mitasi O‘zbekistonda 2021 yilda o‘rtacha oylik ish haqi 2,6 mln so‘mni tashkil etganini ma’lum qildi. Avvalroq qo‘mita (qishloq xo‘jaligi va kichik biznes subyektlari bo‘yicha ko‘rsatkichlarni kiritmay) 2021 yilda yuridik shaxslarning o‘rtacha oylik maoshi 3,2 mln so‘m bo‘lganini qayd etgan edi.

27 iyul 2022, 13:45

«O‘zbekneftgaz» aksiyalarini xalqaro bozorlarga joylashtirishni kechiktirishi mumkin

Rothschild & Cie kompaniyasi maslahatchilari kapital bozorlarining yuqori o‘zgaruvchanligi sababli «O‘zbekneftgaz» aksiyadorlik jamiyatiga IPO`ni chiqarish muddatini keyinroqqa qoldirishni tavsiya qildi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting