Iqtisodiyot
«Valyuta oldi-sotdisida hech qanday cheklovlar bo‘lmaydi» — MB rahbari
MB raisi Mamarizo Nurmurodov valyutalarni sotib olish va sotishda hech qanday cheklovlar joriy etilmasligi, kurs bozor omillari asosida shakllantirilishini ma’lum qildi. Uning so‘zlariga ko‘ra, almashuv kursi «o‘zining tabiiy nuqtasiga yaqinlashmoqda». Valyutaga bo‘lgan talab keskin o‘sgan.
Tadbirkorlarga shaxsiy avtomashinalarini boshqarish uchun yengilliklar beriladi
Tadbirkorlarga shaxsiy avtomashinalarini boshqarish uchun yengilliklar berilishi rejalashtirilmoqda. Respublika maxsus komissiyasining qarori 1−2 kun ichida chiqadi.
XVJ: 2020 yilda O‘zbekiston yalpi ichki mahsuloti 1,8 foizni tashkil etadi
Xalqaro valyuta jamg‘armasi 2020 yilda jahon iqtisodiyoti 3 foizga tushishini prognoz qilmoqda. O‘zbekiston yalpi ichki mahsulotining esa 1,8 foizgacha pasayishi kutilmoqda.
Tadbirkor bosh vazir o‘rinbosarini bosim o‘tkazayotganlikda aybladi
Sulton Tex Group xususiy korxonasi rahbari Nurbek Ergashev prezidentga murojaat qilib, bosh vazir o‘rinbosari O‘ktam Barnoyev «noqonuniy talablari» bajarilmagani uchun uning kompaniyasini paxta-to‘qimachilik klasterlari ro‘yxatidan chiqarib yuborganini ma’lum qildi. Fermerlar ularni klaster bilan shartnomalarni bekor qilish va kooperativga o‘tishga majburlashayotganini xabar qildi. Korxona avtomobillari jarima maydonchasiga olib ketilmoqda.
Inqirozga qarshi kurashish jamg‘armasining daromad va xarajatlari — Moliya vazirligi
Inqirozga qarshi kurashish jamg‘armasining hisobiga 1,596 trln so‘m (157,7 mln dollar) kelib tushgan bo‘lsa, jamg‘arma xarajatlari 756 mlrd so‘mga (74,7 mln dollar) teng bo‘ldi. Mablag‘larning katta qismi shifoxona va karantin uchun maxsus muassasalarni qurishga yo‘naltirilgan.
Karantin may oyida ham davom etish ehtimoli yuqori — bosh vazir o‘rinbosari
Bosh vazir o‘rinbosari Jamshid Qo‘chqorov karantin choralarining may oyida ham davom etish ehtimoli yuqoriligini ma’lum qildi. Uning so‘zlariga ko‘ra, O‘zbekistonning YAIMi birinchi chorakda 4,1−4,4 foiz atrofida o‘sgan, eksport 11 foizga, import esa 10 foizga qisqargan.
Markaziy bank asosiy stavka pasaytirilganiga izoh berdi
Markaziy bank asosiy stavkaning 16 foizdan 15 foizga pasaytirilishi yuzasidan izoh berdi. Asosiy omillar tashqi va ichki talabning qisqarishi sharoitida iqtisodiy faollikning sekinlashuvi hamda inflyatsiya prognozlarining pasayishi bilan bog‘liq.
Dollarning rasmiy kursi 10,1 ming so‘mdan oshdi
Markaziy bank haftada ikkinchi marta valyuta kurslarini yangiladi. Dollar 427 so‘mga ko‘tarilib, 10121 so‘mga yetdi.
Dizel bahosi 5600 so‘mga tushirildi
14 aprel kunidan e’tiboran «O‘zbekneftgaz» dizel yonilg‘isi litrining bahosini 5600 so‘m etib belgiladi. Uch oy ichida dizel narxi deyarli 2000 so‘mga arzonlashdi.
Markaziy Bank asosiy stavkasi yillik 15 foiz etib belgilandi
Markaziy bankning asosiy stavkasi 1 foiz bandga pasaytirilib, yillik 15 foiz darajasida belgilandi.
JICA O‘zbekistonda meva-sabzavotchilikni rivojlantirish uchun 213 mln dollar ajratdi
Yaponiya xalqaro hamkorlik agentligi (JICA) O‘zbekistonda meva-sabzavotchilik sohasida qo‘shilgan qiymat zanjirini yaratish uchun 213 mln dollar ajratdi. 6 yilga mo‘ljallangan loyiha doirasida tijorat banklari ushbu sohadagi tadbirkorlarga kreditlar taqdim etadi.
Bobur Parpiyev Orient Finans Bank rahbari lavozimini tark etdi
Bobur Parpiyev Orient Finans Bank rahbari lavozimini muddatidan oldin tark etdi. U bankning kuzatuv kengashi a’zosi sifatida faoliyatini davom ettiradi.
Fitch O‘zbekistonning kredit reytingini saqlab qoldi
Fitch O‘zbekistonning suveren reytingini barqaror prognoz bilan «BB-» darajasida saqlab qoldi. Agentlik 2020 yilda mamlakat iqtisodiyoti o‘sishi 2 foizga tushishi, biroq 2021 yilda 6,8 foizga o‘sishini taxmin qilmoqda.
O‘zbekistonda naqd pul muomalasi qisqartiriladi
O‘zbekistonda koronavirus sababli naqd pul muomalasini qisqartirish choralari ko‘rilmoqda. Jumladan, barcha turdagi korxona va tashkilotlarda oylik ish haqi hamda pensiyalarning to‘liq bank kartalari orqali to‘lanishi belgilandi.
O‘zbekistonga pul o‘tkazmalari keskin qisqarmoqda
O‘zbekistonga jo‘natilgan pul o‘tkazmalari aprelning dastlabki 8 ish kunida mart oyining mos davriga nisbatan 3 barobarga qisqargan. Mart oyida eksport tushumlari 10 foizga kamaygan. Markaziy bank izohiga ko‘ra, shu va boshqa sabablar AQSH dollarining so‘mga nisbatan almashuv kursi oshishiga olib kelmoqda.
OPEK va Rossiya «neft urushi»ga barham berdi
OPEK tashkilotiga a’zo davlatlar hamda a’zo bo‘lmagan OPEK+ guruhi davlatlari tarixiy bitimga ko‘l qo‘ydi. 1 maydan 30 iyungacha neft qazib olish kuniga 9,7 mln barrelgacha kamaytiriladi. 2022 yilga qadar bu ko‘rsatkichni 5,8 mln barrelgacha qisqartirish rejalashtirilmoqda. Bu safar Meksika ham bitimga qo‘shildi.
Iqtisodiyotdagi yo‘qotishlar qisman qishloq xo‘jaligi hisobiga qoplanadi
Prezident iqtisodiyotning boshqa tarmoqlaridagi yo‘qotishlar o‘rnini qisman to‘ldirish va aholi bandligini ta’minlash uchun rezervlarni agrar sohaga safarbar qilishga topshiriq berdi.
Rossiya va OPEK neft qazib olishni kamaytirishga kelishib oldi
Saudiya Arabistoni, Rossiya va boshqa OPEK+ davlatlari 30 iyungacha neft qazib olishni kuniga 10 mln barrelga kamaytirishga kelishib oldi. 2022 yilga qadar bu ko‘rsatkichni 6 mln barrelgacha qisqartirish rejalashtirilmoqda. Kelishuvga qo‘shilishdan faqat Meksika bosh tortdi.
ITB O‘zbekistondagi yangi shifoxonalarni jihozlashga 17 mln dollar ajratdi
Islom taraqqiyot banki O‘zbekistonda koronavirusga qarshi kurashayotgan yangi klinikalar uchun tibbiy jihozlar sotib olishga 17 mln dollar yo‘naltirdi. Sog‘liqni saqlash va biznesni qo‘llab-quvvatlashga qo‘shimcha 140 mln dollar ajratish masalasi ko‘rib chiqiladi.
Dunyo mamlakatlari yangi iqtisodiy inqirozga qarshi qanday kurashmoqda?
COVID-19 koronavirus infeksiyasining tarqalishi davlatlar iqtisodiyotiga katta zarar yetkazmoqda. «Gazeta.uz» bir qator rivojlangan va qo‘shni mamlakatlarning koronavirus pandemiyasiga qarshi qabul qilgan iqtisodiy rag‘batlantirish dasturlarining qisqa tahlilini taqdim etadi.
"Gazeta.uz"da ro`yxatdan o`tish
Qo`shimcha imkoniyatlarga ega bulish uchun saytda ro`yxatdan o`ting