Iqtisodiyot

22 fevral 2021, 16:37

Dollarning rasmiy kursi ko‘tarildi

Dollarning rasmiy kursi 17 so‘mga qimmatladi va jami 10 549 so‘m etib belgilandi. Yevro va rubl kurslari esa biroz pasaydi.

22 fevral 2021, 16:10

Xalqaro tijorat arbitraji to‘g‘risida qonun qabul qilindi

Shavkat Mirziyoyev «Xalqaro tijorat arbitraji to‘g‘risida"gi qonunni imzoladi. Ushbu qonun arbitraj kelishuvga erishish, arbitrlarni tayinlash va arbitraj muhokamasini o‘tkazish tartibini belgilaydi.

22 fevral 2021, 13:20 1

Chevrolet Onix avtomobilining sinov namunalari olib kelindi

Braziliyadan Chevrolet Onix avtomobilining sinov namunalari olib kelindi. UzAuto Motors kompaniyasi o‘zining yangi GEM platformasida ushbu modelni ishlab chiqarishni o‘zlashtirishni rejalashtirayotganini ma’lum qildi.

22 fevral 2021, 09:54

Fransiya kompaniyasi O‘zbekistondagi suv ta’minotini rivojlantirishga ko‘maklashadi

Fransiyaning «SUEZ» kompaniyasi Toshkent va Samarqand shaharlarida suv ta’minoti tizimlarini takomillashtirish uchun loyihalarni amalga oshiradi. Fransiya tomonidan Toshkent shahrida suv ta’minoti tizimini yaxshilash loyihasini amalga oshirish uchun 145 mln yevro ajratiladi. Bundan tashqari, Qoraqalpog‘iston Respublikasi, Buxoro va Qashqadaryodagi umumta’lim maktablarini ichimlik suvi bilan ta’minlash bo‘yicha ishlar yo‘lga qo‘yiladi.

19 fevral 2021, 17:25

«Namanganga o‘ttiz yillik tarixda buncha mablag‘ kelmagan» — Shavkat Mirziyoyev

Shavkat Mirziyoyev Namangan viloyatiga 2021−2022 yillarda umumiy qiymati 23 trln 700 mlrd so‘mlik investitsiya loyihalari amalga oshirilishi haqida ma’lum qildi. Bundan tashqari, Namangan shahri infratuzilmasini yaxshilashga, loyihalarni moliyalashtirish va limonchilikni rivojlantirishga 60 mln dollar ajratiladi. «Agar shuni to‘g‘ri, samarali yo‘naltirib ishlatsak, viloyatning iqtisodiyoti jadal rivojlanadi, hamma tumanlarga sanoat kirib boradi, odamlar ishli bo‘ladi», — dedi prezident.

19 fevral 2021, 13:00

SFI Management Group «O‘zmetkombinat», OKMK va «O‘zikkilamchiranglimetall»da boshqaruvini yakunlaydi

SFI Management Group O‘zbekiston hukumati tomonidan zimmasiga yuklangan vazifalarning aksariyati bajarilgani hamda «O‘zmetkombinat», OKMK va «O‘zikkilamchiranglimetall» bilan ishonchli boshqaruv shartnomalari bekor qilinganini e’lon qildi.

18 fevral 2021, 18:14

Dollarning rasmiy kursi ketma-ket uchinchi kun pasaymoqda

Dollarning rasmiy kursi 7 so‘mga arzonladi va jami 10 514 so‘m etib belgilandi. Yevro va rubl kursi ham biroz pasaydi.

18 fevral 2021, 17:41

Markaziy bank 15 ta bankka nisbatan sanksiya e’lon qildi

Markaziy bank 15 ta tijorat banklariga nisbatan sanksiya e’lon qildi. Bunga sabab ushbu banklarning ayrim bo‘limlarida xodimlar asossiz ravishda plastik kartalari orqali mijozlar to‘lovlarini qabul qilishdan bosh tortgani bo‘ldi.

18 fevral 2021, 16:12

Vengriya O‘zbekistonda 12 ta investitsiya loyihalarini amalga oshiradi

Budapesht shahrida bo‘lib o‘tgan O‘zbekiston-Vengriya biznes-forumida O‘zbekiston hududlarida 12 ta investitsiya loyihalarini amalga oshirish to‘g‘risida bitimlar imzolanib, shuningdek, yana 76 ta investitsion loyihalar amalga oshirilishiga kelishildi.

18 fevral 2021, 12:10

Korrupsiyaning paradoksal qiymati

Korrupsiya davlat tuzilmalarini zabt etib bo‘ldi va uni tomiri bilan sug‘urib tashlashning imkoni yo‘qdek go‘yo. Byudjet daromadlarining o‘sishi bilan bir qatorda korrupsiya ham bo‘y cho‘zmoqda. Bu zanjirdan qanday chiqib ketish haqidagi fikrlar iqtisodchi Shahzod Yuldoshboyev maqolasida.

18 fevral 2021, 10:37

«Asakabank» va MasterCard pullar qayta yechib olinishi muammosini hal etmoqda

Fevral oyi boshida MasterCard karta egalari «Asakabank» punktlarida naqdlashtirilgan pullar qayta hisobdan yechib olinayotganidan shikoyat qildilar. Bank bu firibgarlik yoki xakerlik hujumlari natijasi emas, balki texnik nosozlik ekanligi va mablag‘larni qaytarish bo‘yicha ishlar olib borilayotganini ma’lum qildi.

17 fevral 2021, 17:00

Qanot Sharq kompaniyasi ikkita Airbus A320−200 samoletini ijaraga oldi

O‘zbekistonning Qanot Sharq Airlines aviakompaniyasi foydalanilgan ikkita Airbus A320−200 samolyotini ijaraga oldi. Aviakompaniya hududiy aeroportlardan Turkiya, Saudiya Arabistoni, Rossiya va Qozog‘iston yo‘nalishlari bo‘yicha parvozlarni amalga oshiradi.

17 fevral 2021, 16:28

Dollarning rasmiy kursi yana pasaydi

Dollarning rasmiy kursi 5 so‘mga arzonladi va jami 10 521 so‘m etib belgilandi. Yevro va rubl kursi ham biroz pasaydi.

17 fevral 2021, 12:34

DSQ «naqdlashtiruvchi korxonalar» faoliyatiga qarshi kurashadi

«Bir kunlik firmalar» ning noqonuniy faoliyatiga qarshi kurashishning samarali mexanizmi joriy etildi. Pul mablag‘larini naqdlashtirish bilan shug‘ullanuvchi 396 ta «bir kunlik firmalar» xizmatidan foydalangan 10 mingga yaqin tashkilotlar ro‘yxati shakllantirildi. Shuningdek, 2960 tadbirkorlik sub’ektlarining bank hisobvaraqlariga joylashtirilgan inkasso topshiriqlari 1 martgacha vaqtinchalik bekor qilindi.

16 fevral 2021, 18:33

O‘zbekistonda 12 mingga yaqin xorijiy kapital ishtirokida faoliyat yuritayotgan korxonalar mavjud

2021 yilning 1 fevral holatiga ko‘ra, O‘zbekistonda 5724 ta qo‘shma korxona va 6195 ta xorijiy korxonalar faoliyat yuritmoqda. Xorijiy kapital ishtirokida faoliyat yuritayotgan korxonalarning eng ko‘pi sanoat sohasiga to‘g‘ri keladi.

16 fevral 2021, 17:59

Bitkoin kursi 50 ming dollarga yetdi

Bitkoinning narxi yana tarixiy maksimal darajani yangiladi va 50 ming dollarga yetdi. Ushbu kriptovalyutaning kursi so‘nggi bir yil ichida 400% foizga oshdi.

16 fevral 2021, 16:38

Dollarning rasmiy kursi pasaydi

Dollarning rasmiy kursi 13 so‘mga arzonladi va jami 10 527 so‘m etib belgilandi. Rubl kursi ham biroz pasaydi, yevro esa ko‘tarildi.

16 fevral 2021, 12:57

O‘zbekistonning oltin-valyuta zaxiralari yana kamayishni boshladi

1 fevral holati bo‘yicha O‘zbekistonning xalqaro zaxiralari 34,3 mlrd dollarni tashkil qilmoqda. Xalqaro zaxiralarning kamayishiga xorijiy valyutadagi aktivlarning 700 mln dollar miqdorda kamayishi sabab bo‘lgan. Oltin zaxiralari 0,3 mln unsiyaga oshgan.

15 fevral 2021, 23:51

Prezidentga Jizzaxda amalga oshiriladigan 515 ta loyiha haqida ma’lumot berildi

Prezident Shavkat Mirziyoyev joriy yilda Jizzax viloyatida amalga oshiriladigan 515 ta loyiha haqida ma’lumot taqdim etildi. Loyihalarning umumiy qiymati 35,5 trln so‘m bo‘lib, ular natijasida yiliga 25 trln so‘mlik mahsulot ishlab chiqarilishi aytildi.

15 fevral 2021, 16:28

Dollarning rasmiy kursi ko‘tarildi

Dollarning rasmiy kursi 9 so‘mga qimmatladi va jami 10 540 so‘m etib belgilandi. Yevro va rubl kurslari ham biroz ko‘tarildi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting