3 iyun, chorshanba COVID-19 Ob-havo Zira Vakansiyalar

Iqtisodiyot

4 may 2020, 20:19

Energiya samaradorligini oshirish masalalari muhokama qilindi

Prezident uch smenada ish tashkil etgan tadbirkorlarga kechki smena uchun elektr tarifini 1,5 baravar kamaytirish bo‘yicha ko‘rsatmalar berdi.

4 may 2020, 14:29

Pandemiyadan so‘ng iqtisodiy tiklanish uchun o‘rtacha 3−12 oy kerak bo‘ladi

Markaziy bank karantin davri tugaganidan so‘ng iqtisodiy tiklanish qancha davom etishi mumkinligi bo‘yicha xalqaro tajribani o‘rganib chiqdi. Unga ko‘ra, pandemiyadan eng ko‘p zarar ko‘rgan sohalarni tiklashga o‘rtacha 3−12 oy kerak bo‘ladi. Bunda, turizm, xizmatlar va chakana savdo hamda yo‘lovchi tashish sohalarida iqtisodiy faollik nisbatan sekin tiklanishi kutilmoqda.

4 may 2020, 12:48

Markaziy bank: 2020 yilda YAIMning o‘sishi 1,5 foizga tushadi

Markaziy bank koronavirus pandemiyasi sababli 2020 yilda mamlakat yalpi ichki maxsulotining o‘sish sur’atlari ko‘zlangan 5,2−5,5 foizdan 1,5−2,5 foizgacha pasayishini kutmoqda. Shuningdek, transchegaraviy pul o‘tkazmalari hajmi o‘tgan yilga nisbatan 30−35 foizga qisqarishi prognoz qilinmoqda.

4 may 2020, 11:26

O‘zbekistonda elektr energiya bilan ta’minlash strategiyasi qabul qilindi

Hukumat tomonidan 2030 yilgacha mamlakatni elektr energiya bilan ta’minlash strategiyasi qabul qilindi. Unga ko‘ra, 2030 yilgacha elektr energiya ishlab chiqarishni 5900 MVt dan 29200 MVt gacha ko‘paytirish, tabiiy gaz sarfini qisqartirish hamda elektr energiyani uzatishda yo‘qotishlarni sezilarli darajada kamaytirish rejalashtirilgan.

1 may 2020, 19:44

Ipoteka kreditlari muddati 15 yildan 20 yilgacha uzaytiriladi

Aholiga ajratiladigan ipoteka kreditlari, shu jumladan bugungi kunga qadar ajratilgan ipoteka kreditlari muddati 15 yildan 20 yilgacha uzaytiriladi. Shaharlarda 2 va undan ko‘p xonali kvartiralar uchun dastlabki badalning 10 foizi davlat tomonidan qoplab beriladi.

1 may 2020, 19:37

Uzcard onlayn-omonatlar uchun yana to‘lov olishni boshladi

Uzcard onlayn-omonatlar bo‘yicha banklardan 0.25 foiz miqdorida to‘lov olishni boshladi. Ushbu xizmatni ommalashtirish maqsadida 2018 yil sentyabr oyidan to‘lov olish to‘xtatilgan edi, lekin ba’zilar ushbu imtiyozdan soliq to‘lashni chetlab o‘tish maqsadida foydalanishmoqda, deya ta’kidladi Uzcard rahbari.

1 may 2020, 13:42

Turkiy kengash davlatlari xalqaro transport yo‘lagida o‘zaro imtiyozlar berishga kelishib oldi

Turkiy kengash davlatlari transport vazirlari Transkaspiy xalqaro transport yo‘lagi orqali yuk tashishda o‘zaro imtiyozlar berishga kelishib oldi.

1 may 2020, 12:46

JB koronavirus ta’sirini yumshatish uchun O‘zbekistonga 200 mln dollar ajratadi

Jahon banki O‘zbekistonga koronavirus pandemiyasi oqibatlarini yumshatish uchun qo‘shimcha 200 mln dollar ajratadi. Mablag‘lar sog‘liqni saqlash va ijtimoiy himoya tizimini mustahkamlashga, shuningdek, iqtisodiy tarmoqlarni qo‘llab-quvvatlashga yo‘naltiriladi.

30 aprel 2020, 20:57

Iqtisodiy taraqqiyot vazirligi jahon inqiroziga izoh berdi

Iqtisodiy taraqqiyot va kambag‘allikni qisqartirish vazirligi hozirda kuzatilayotgan iqtisodiy inqiroz inson sog‘ligi inqiroziga bog‘liqligini ta’kidladi. Bundan tashqari, ushbu inqiroz bir vaqtning o‘zida talab va taklifning qisqarishi bilan izohlanishi aytilmoqda. Kasallik tarqalishiga bog‘liq yuqori darajadagi noaniqliklar qaror qabul qilish uchun katta qiyinchiliklar keltirib chiqarayotganligi aytilmoqda.

30 aprel 2020, 17:40

JB firibgarlik qilgan o‘zbek kompaniyasiga sanksiyalar joriy qildi

Jahon banki O‘zbekistonning Mega-Mebiko kompaniyasini firibgarlik uchun o‘z loyihalarida ishtirok etishdan 30 oyga chetlashtirdi.

29 aprel 2020, 21:27

Fermer va dehqonlarga hududlararo harakatlanishga ruxsat berildi

Shavkat Mirziyoyev dehqon va fermerlarga viloyatlar va tumanlar o‘rtasida harakatlanishga ruxsat berishni topshirdi. IIV ularning avtomobillarini postlarda kutib olib, yarmarka va savdo nuqtalariga qadar kuzatib boradi. Prezident vaziyat yaxshilanishi bilan 10 maydan so‘ng karantin bosqichma-bosqich yumshatilishini ma’lum qildi.

29 aprel 2020, 12:03

Barcha qishloqlar va mahallalarni yuqori tezlikdagi internetga ulash belgilandi

2020−2021 yillarda barcha qishloq va mahallalarni yuqori tezlikdagi internetga ulash hamda zamonaviy telekommunikatsiya xizmatlaridan barcha hududlarda foydalanish imkoniyatini ta’minlash belgilandi. Davlat organlari va tashkilotlaridagi barcha xat hamda yuridik hujjatlar faqat pochta orqali yetkazib beriladi.

28 aprel 2020, 12:31

Harbiylar “Mehr-shafqat va salomatlik” jamg‘armasiga 2,1 mlrd so‘m o‘tkazib berdi

Mudofaa vazirligi tomonidan hozirga qadar “Mehr-shafqat va salomatlik” jamg‘armasiga 2,143 mlrd so‘m o‘tkazib bergani ma’lum qilindi.

28 aprel 2020, 09:16

DSQ stiker berish uchun soliqlarni avvaldan to‘lash haqidagi talablar bo‘lganini inkor qildi

DSQ soliq organlari xodimlari tadbirkorlarga avtomobildan foydalanishga ruxsatnoma olish uchun yarim yillik soliqlarni avvaldan to‘lashni talab qilayotgani haqidagi xabarlarni rad etdi.

27 aprel 2020, 21:41

Aholi va ishbilarmonlarni qo‘llab-quvvatlash bo‘yicha yangi choralar tasdiqlandi

Ishlayotgan pensionerlarga pensiyalar to‘g‘ridan-to‘g‘ri byudjetdan tashqari Pensiya jamg‘armasi orqali amalga oshiriladi. Ortiqcha pensiya to‘langanlarning qarzdorligi bekor qilinadi. Mikrofirmalar va kichik korxonalarga soliqlarni kechiktirib (bo‘lib-bo‘lib to‘lash) berish muddati uzaytiriladi — prezident farmoni.

27 aprel 2020, 20:05

Xayriya mablag‘lari soliqqa tortilmaydi

Jismoniy shaxslarning soliqqa tortilmaydigan eng kam daromadlari miqdori MHTEKMning 7,5 baravarigacha oshiriladi. Olingan xayriya yordamlariga esa daromad sifatida qaralmaydi — prezident pandemiya davrida aholi va tadbirkorlarni qo‘llab-quvvatlash bo‘yicha yana bir farmonni imzoladi.

27 aprel 2020, 19:12

Ai-92 markali benzin narxi yana 500 so‘mga arzonlashdi

29 aprel kunidan boshlab Ai-92 markali benzin narxi 5500 so‘m qilib belgilandi.

27 aprel 2020, 16:51

Startaplar to‘g‘risida qonun qabul qilinadi

O‘zbekistonda startaplar to‘g‘risida qonun qabul qilinadi. Qonun loyihasiga ko‘ra, startaplar xodimlari jismoniy shaxslardan olinadigan daromad solig‘idan ozod etiladi. Startap kompaniyalar yer solig‘i, foyda solig‘i, yuridik shaxslarning mol-mulkiga solinadigan soliq va boshqa soliq to‘lovlaridan ozod etiladi. Qonun doirasida xorij fuqarolariga Startap vizalar berilishi ham rejalashtirilgan.

27 aprel 2020, 11:50

Yagona elektron chipta sotish tizimi operatori tanlov asosida belgilanishi taklif etildi

Monopoliyaga qarshi kurashish qo‘mitasi yagona elektron chipta sotish tizimi operatorini tanlashda yangi davlat ishtirokidagi korxona tashkil etish maqsadga muvofiq emasligini bildirdi. Oldinroq Uzcard yagona elektron chipta sotish tizimi operatori bo‘lishi to‘g‘risidagi qaror loyihasi e’lon qilingan edi.

25 aprel 2020, 16:07

JB O‘zbekistonga koronavirusga qarshi kurashish uchun 95 mln dollar ajratdi

Jahon banki O‘zbekistonga 95 mln dollar miqdorida favqulodda moliyalashtirish mablag‘ini taqdim etdi. Ular sog‘liqni saqlash tizimini yaxshilash hamda kam ta’minlangan va himoyaga muhtoj aholi qatlamlarini qo‘llab-quvvatlashga yo‘naltiriladi.