Koronavirus

8 iyul 2020, 23:21

Nukus va Navoiyda koronavirus bemorlari vafot etdi

Qoraqalpog‘istonda 56 yoshli ayol, Navoiyda 52 yoshli erkak koronavirus sababli hayotdan ko‘z yumdi. O‘zbekistonda COVID-19 asoratlaridan vafot etganlar soni 44 nafarga yetdi.

8 iyul 2020, 21:58

Prezident SES va o‘t o‘chirish xizmatining «tushunarsiz» talablariga izoh berdi

Tadbirkorlar karantin qoidalariga amal qilishda sanitariya va yong‘in xavfsizligi idoralari tomonidan tushunarsiz va bir-biriga zid talablarga duch kelmoqda, deya ma’lum qildi prezident.

8 iyul 2020, 20:37

“Joylarda „yashil“, „sariq“ va „qizil“ hudud tamoyili to‘liq ishlamayapti” — prezident

Prezident joylarda “yashil”, “sariq” va “qizil” hudud tamoyili to‘liq ishlamayotganini ta’kidladi. Bundan tashqari, aholi orasida karantin choralariga yengil qarash, jumladan, niqoblarni noto‘g‘ri taqish, qo‘l berib ko‘rishish va oilaviy tadbirlarni o‘tkazish holatlari uchramoqda. “Bunday xatarli ofatga aslo beparvo qarab bo‘lmaydi”, — dedi davlat rahbari xalqqa murojaat qilar ekan.

8 iyul 2020, 17:56

Koronavirus holatlari 11000 taga yaqinlashdi

O‘zbekistonda tasdiqlangan koronavirus holatlari soni 144 taga oshib, 10982 taga yetdi. Ularning katta qismi — 113 tasi Toshkentda aniqlandi.

8 iyul 2020, 17:27

Xabibulla Oqilov — «koronaskeptiklar» haqida

Professor Xabibulla Oqilov koronavirusning borligiga shubha bilan qarayotgan, ushbu infeksiyaga chalingan birorta ham tanish insonlar yo‘q, deb iddao qilayotganlarga javob qaytardi. Uning ta’kidlashicha, odamlar buni juda jiddiy qabul qilishlari va bor-yo‘g‘i oddiy gigiyena, o‘z-o‘zini saqlashning birlamchi qoidalariga rioya qilishlari kerak xolos.

8 iyul 2020, 16:28

“Davolash emas, balki uy sharoitida kuzatuv”. Asoratlarsiz bemorlar uyda qanday kuzatib boriladi

Toshkent vrachlar malakasini oshirish instituti rektori, professor Xabibulla Oqilov “Gazeta.uz"ga bergan intervyusida uyda davolanayotgan asoratlarsiz COVID-19 bemorlarining kuzatuvi qanday tashkil etilishi, ularni qachon kasalxonaga yotqizish kerakligi va ular bilan yashaydigan qarindoshlari nima qilishi lozimligi haqida gapirdi.

8 iyul 2020, 16:26

Toshkentda yana bir koronavirus bemori vafot etdi

Koronavirus infeksiyasiga chalingan 64 yoshli toshkentlik bemor (erkak kigi) o‘tkir yurak qon-tomir va nafas yetishmovchiligidan vafot etdi. COVID-19 asoratlaridan vafot etganlar soni 42 nafarga yetdi.

8 iyul 2020, 16:17

“Respublikaning barcha hududlari “qizil hudud"ga aylantirildi” — Shohrux G‘iyosov

Mamlakatning barcha hududlari “qizil” zonaga o‘tkaziladi. Stikerli avtomobillarning harakatlanishiga ruxsat beriladi, ammo masala hali ko‘rib chiqiladi.

8 iyul 2020, 16:00

Charter reyslari jadvaliga o‘zgartirish kiritildi

Respublika maxsus komissiyasi 6 — 19 iyul kunlariga belgilangan charter reyslar jadvaliga o‘zgartishlar kiritdi. Jumladan, Moskva, Sankt-Peterburg va Dubayga ayrim charter reyslar bekor qilindi.

8 iyul 2020, 15:53

“Statsionarlarda yotoq-joylar qolmadi” — Xabibulla Oqilov

Shifoxonalarda COVID-19 bilan og‘rigan bemorlar uchun mo‘ljallangan yotoq-joylar qolmadi. Agar kuniga 1000 ta holat aniqlansa, sog‘liqni saqlash tizimi butunlay qulaydi, dedi koronavirusga qarshi kurashish shtabi vakili Xabibulla Oqilov.

8 iyul 2020, 14:09

“To‘rtta to‘yda 110 ta kasallangan aniqlandi” — Sog‘liqni saqlash vaziri

Koronavirus bemorlari orasida o‘lim sonining oshishiga 50 foiz holatlarda shifokorlarga kech murojaat qilganlik sabab bo‘lmoqda, deya xabar berdi sog‘liqni saqlash vaziri. Alisher Shodmonov alomatlarsiz bemorlarni uyda davolash hamda sog‘liqni saqlash tizimi koronavirusning ikkinchi to‘lqiniga qanchalik tayyor ekanligi to‘g‘risidagi masalalarga ham to‘xtalib o‘tdi.

8 iyul 2020, 13:38

Talabalar turar-joylari karantinda saqlash joylariga aylantiriladi

Yuqori Chirchiq tumanida joylashgan karantin majmuasida saqlanayotgan shaxslar uy karantiniga hamda OTM va kasb-hunar kollejlarining talabalar turar-joylari bazasida tashkil etilgan karantinda saqlash joylariga o‘tkaziladi. Oliy ta’lim vazirligi Toshkent shahri va Toshkent viloyatida joylashgan karantinda saqlash infratuzilmasiga ega OTM va kollejlar ro‘yxatini tuzib chiqadi.

8 iyul 2020, 13:06

Sanoat va yirik qurilish ob’ektlari to‘liq karantinga olinadi

Sanoat va yirik qurilish ob’ektlari faoliyatiini davom ettirish uchun shartlar belgilandi. Ularning hududi to‘liq karantinga olinadi.

8 iyul 2020, 12:50

O‘zbekistonda karantin cheklovlari kuchaytirildi

10 iyuldan 1 avgustga qadar O‘zbekistonda karantin cheklovlari kuchaytiriladi. Respublika hududida avtotransport vositalarining harakati cheklanadi. Davlat organlari va tashkilotlarning mehnat faoliyati maksimal darajada masofadan turib tashkil etiladi. Parklar, buyum bozorlari, sport zallari, umumiy ovqatlanish ob’ektlari faoliyati to‘xtatiladi. Xalqaro aviaqatnovlar ikki baravarga qisqartiriladi.

8 iyul 2020, 11:06

Braziliya prezidentida koronavirus tasdiqlandi

Braziliya prezidenti Jair Bolsonaruning koronavirusga topshirgan test natijalari ijobiy chiqdi. U uydan turib o‘z ish faoliyatini davom ettiradi.

8 iyul 2020, 10:02

Koronavirus bemorlari soni 10800 nafardan oshdi

Koronavirus bemorlari soni 168 nafarga ortib, jami 10838 kishini tashkil etmoqda. Yangi holatlarining 161 nafari Qashqadaryo viloyatida va 7 nafari Namangan viloyatida qayd etildi. Shundan 38 nafari aholi orasida.

8 iyul 2020, 09:58

Toshkentlik 64 yoshli koronavirus bemori vafot etdi

Koronavirus infeksiyasiga chalingan 64 yoshli toshkentlik bemor (ayol) o‘tkir nafas va yurak qon-tomir yetishmovchiligidan vafot etdi. COVID-19 asoratlaridan vafot etganlar soni 41 nafarga yetdi.

7 iyul 2020, 18:34

“O‘zsanoatqurilishbank” Navoiy filiali rahbari o‘rinbosari vafot etdi

Navoiyda “O‘zsanoatqurilishbank” filiali boshqaruvchisi o‘rinbosari X. Sh. vafot etdi. Unda koronavirus aniqlangan edi.

7 iyul 2020, 18:01

Yana 128 nafar kishida koronavurus aniqlandi (jami — 10587)

Koronavirus holatlari 128 taga ko‘payib, jami 10587 nafarga yetdi. Yangi holatlarning 112 nafari Toshkent shahrida, 11 nafari Qoraqalpog‘istonda, 2 nafardan Jizzax va Qashqadaryo viloyatlarida hamda 1 nafari Toshkent viloyatida aniqlandi. Shundan 34 nafari aholi orasida qayd etildi.

7 iyul 2020, 17:51

Toshkentlik 79 yoshli koronavirus bemori vafot etdi

Koronavirus infeksiyasiga chalingan 79 yoshli toshkentlik bemor (erkak kishi) o‘tkir nafas va yurak qon-tomir yetishmovchiligidan vafot etdi. Ta’kidlanishicha, u shifokorlarga murojaat qilmasdan bir hafta davomida uyida davolangan. COVID-19 asoratlaridan vafot etganlar soni 39 nafarga yetdi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting