1 iyun, dushanba COVID-19 Ob-havo Zira Vakansiyalar

Koronavirus

28 may 2020, 17:36

Koronavirus holatlari 3400 tadan oshdi

O‘zbekistonda yana 41 kishida koronavirus infeksiyasi aniqlanib, jami holatlar 3437 taga yetdi. Yangi holatlarning 10 tasi Sankt-Peterbursh, 3 tasi Novosibirk va 1 tasi Istanbuldan, 17 tasi esa Qozog‘istondan kelganlar orasida kuzatilgan. Jami COVID-19 holatlari 3437 taga yetdi.

28 may 2020, 16:52

Andijonda koronavirusga chalingan ikki haydovchi sababli 100 ga yaqin kishi karantinga olindi

Andijon viloyatida koronavirusga chalingan ikki haydovchi sababli ular bilan muloqotda bo‘lgan 100 ga yaqin kishi — oila a’zolari, qo‘shnilari, yaqinlari va boshqalar karantinga olindi. Haydovchilar yuk mashinasida Rossiyadan kelgach, qonun-qoidalarga zid ravishda chegara posti avtoturargohidan uyiga chiqib ketishgan.

28 may 2020, 10:10

Koronavirus bemorlari soni 3400 nafarga yaqinlashdi

Koronavirus bemorlari soni 27 nafarga ortib, jami 3396 kishini tashkil etmoqda. Yangi holatlarning 16 nafari Karantin markazidagi fuqarolar orasida aniqlangan. Shuningdek, infeksiyaga chalinganlar Toshkent shahrida (7), Samarqand (1) va Toshkent (3) viloyatlarida qayd etilgan.

27 may 2020, 23:38

Koronavirus aniqlanganlar soni 3369 nafarga yetdi

O‘zbekistonda yana 14 kishida koronavirus infeksiyasi aniqlanib, jami tasdiqlangan holatlar 3369 taga yetdi. Yangi kasallanish holatlarining 7 tasi Buxoro viloyatida aholi orasida (Shofirkon tumanidagi bitta oila a’zolari) aniqlangan.

27 may 2020, 23:15

O‘zbekiston sayyohlarni qabul qilishga tayyorlanmoqda

Prezidentga “O‘zbekiston. Xavfsiz sayohat kafolatlangan” loyihasi taqdim etildi. U birinchi bosqichda “yashil” hududlar o‘rtasida ichki turizmga ruxsat berish zarurligini ta’kidladi. Keyinchalik koronavirus jilovlangan davlatlar bilan turizm aloqalari tiklash rejalashtirilmoqda.

27 may 2020, 17:05

Koronavirus holatlari 22 taga ko‘paydi (jami — 3355)

O‘zbekistonda koronavirus holatlari 22 taga ko‘payib, jami 3355 taga yetdi. Yangi holatlar xorijdan kirib kelgan fuqarolar (16) va koronavirusga chalinganlar bilan muloqotda bo‘lganlar (6) orasida aniqlangan. Kun davomida 65 ta yangi COVID-19 holati tasdiqlandi.

27 may 2020, 13:28

Mahalliy xususiy investorlar preferensiyalarga ega bo‘ladi

Faqatgina xorijlik investorlarga berilayotgan preferensiyalar endilikda mahalliy xususiy sarmoyadorlarga ham taqdim etiladi. Ular o‘z hisoblaridan 25 mln dollarlik loyihani boshlasalar, tashqi muhandislik-kommunikatsiya tarmoqlari byudjet hisobidan qilib beriladi.

27 may 2020, 12:56

Moliyaviy nazorat departamenti shifokorlar rag‘bat puli kechikkanini aniqladi

May oyi o‘rtalarida Davlat moliyaviy nazorat departamenti koronavirusga chalingan bemorlarni davolayotgan yoki karantindagi shaxslarni kuzatayotgan tibbiyot xodimlariga 19,6 mlrd so‘mlik rag‘batlantirish pullarini to‘lash kechikkanini aniqladi. Bundan tashqari, ushbu ishda qatnashmayotgan xodimlarga ham pul to‘langani ma’lum bo‘ldi.

27 may 2020, 10:06

Koronavirus bemorlari soni 3300 nafardan oshdi

Koronavirus bemorlari soni 43 nafarga ortib, jami 3333 kishini tashkil etmoqda. Yangi holatlar Navoiyda (35), Toshkent (6) va Namangan (2) viloyatlarida va Toshkent shahrida (4) qayd etildi.

26 may 2020, 23:47

Koronavirus holatlari soni 3300 taga yaqinlashdi

O‘zbekistonda tasdiqlangan koronavirus holatlari soni kun davomida 75 taga o‘sib, 3290 taga yetdi. To‘qqizta yangi COVID-19 holati karantinga olinganlar orasida aniqlandi.

26 may 2020, 23:25

Samarqandda koronavirus bemori vafot etdi

Samarqandda koronavirus infeksiyasiga chalingan 63 yoshli erkak o‘tkir nafas va yurak qon-tomir yetishmovchiligidan vafot etdi. COVID-19 natijasida vafot etganlar soni 14 nafarga yetdi.

26 may 2020, 21:24

So‘nggi ikki haftada 734 kishida COVID-19 aniqlandi

Oxirgi 14 kun ichida 49 mingdan ziyod kishi karantinga olinib, 734 kishida koronavirus aniqlangan.

26 may 2020, 20:02

Andijon viloyatida piyodalar marafoni o‘tkazildi. Bu — karantin qoidalariga zid

Andijon viloyatining tuman va shaharlarida “Sog‘lom hayot uchun 5000 qadam” piyoda marafonlari o‘tkazilmoqda. Xabar qilinishicha, aksiya prezident topshirig‘i ijrosi yuzasidan o‘tkazilmoqda. Biroq bu — karantin talablariga zid. Viloyatning Izboskan tumanida esa Rossiyadan kelgan erkakda koronavirus aniqlangan.

26 may 2020, 19:37

Epidemiologik vaziyat yomonlashgan hududlarda karantin choralari kuchaytirilishi kutilmoqda

Keyingi 10 kunda ayniqsa Toshkent shahri, Navoiy, Samarqand va poytaxt viloyatlarida aholi orasida koronavirus yuqtirish holatlarining o‘sishi qayd etilmoqda. Prezident Respublika komissiyasi va viloyatlar hokimlariga epidemiologik vaziyat yomonlashgan hududlarning toifasini qayta ko‘rib chiqish hamda karantin choralarini kuchaytirish bo‘yicha taklif kiritishni topshirdi.

26 may 2020, 17:50

AQSH Markaziy Osiyo mehnat muhojirlari himoyasi uchun 2 mln dollar ajratadi

AQSH hukumati COVID-19 pandemiyasi vaqtida Markaziy Osiyoda mehnat muhojirlarini himoya qilishga 2 mln dollar ajratadi. Loyiha doirasida ularga yuridik yordam ko‘rsatilib, muqobil turmush tarzi qo‘llab-quvvatlanadi.

26 may 2020, 17:19

Koronavirus holatlari 20 taga ko‘paydi

O‘zbekistonda koronavirus holatlari 20 taga ko‘payib, jami 3281 taga yetdi. Yangi holatlarning 15 tasi karantinga olinganlar orasidan aniqlandi. Kun davomida 66 ta yangi COVID-19 holati tasdiqlandi.

26 may 2020, 14:31

Andijonda aholi orasida koronavirus aniqlandi

Andijon viloyatining Izboskan tumanida yashovchi fuqaroda koronavirus infeksiyasi aniqlandi. Bemor bilan muloqotda bo‘lgan 51 kishi karantinga olindi.

26 may 2020, 11:33

Rossiyadagi 786 nafar o‘zbekistonlikka 4,9 mln rubl ajratildi

Rossiyada karantin cheklovlari sababli og‘ir vaziyatga tushgan 786 nafar O‘zbekiston fuqarosiga “Mehr” loyihasi doirasida qariyb 4,9 mln rubl ($70 ming) miqdorida bir martalik moliyaviy yordam ko‘rsatildi.

26 may 2020, 10:21

Koronavirus bemorlari soni 3261 nafarga yetdi

Koronavirus bemorlari soni 46 nafarga ortib, jami 3261 kishini tashkil etmoqda. Yangi holatlarning barchasi Rossiyadan (Qozog‘iston orqali) kirib kelganlarda qayd etilgan.

25 may 2020, 23:07

Koronavirus holatlari soni 3215 taga yetdi

O‘zbekistonda yana 26 kishida koronavirus infeksiyasi aniqlanib, jami tasdiqlangan holatlar soni 3215 taga yetdi.