6 avgust, payshanba COVID-19 Ob-havo Zira Vakansiyalar

Koronavirus

Kecha, 14:16

«Qanchalik ko‘p karantinda ushlasak, biz odamlarni shunchalik ko‘p qiynaymiz» — Prezident

«Biz karantinni qancha uzoq vaqt davom ettirsak, odamlarni shunchalik qiynab qo‘yamiz», — dedi Shavkat Mirziyoyev yig‘ilishda. U zudlik bilan koronavirus bilan kasallangan barcha bemorlarni qamrab oladigan davolash tizimini yo‘lga qo‘yishni buyurdi.

Kecha, 12:55

COVID markazlari xodimlarini moddiy rag‘batlantirish to‘lovlari belgilandi

COVID markazlari xodimlariga koronavirusga qarshi kurashish davrida beriladigan moddiy rag‘batlantirish to‘lovlari miqdori belgilandi: vrach xodimlarga — 2,5 mln so‘m, o‘rta tibbiyot xodimlariga — 1,5 mln so‘m, kichik tibbiyot xodimlariga — 1 mln so‘m va boshqa xodimlarga — 500 ming so‘m.

Kecha, 10:48

Koronavirus holatlari 27,3 mingdan oshdi

COVID-19 bemorlari soni 267 nafarga ortib, jami 27314 kishini tashkil etmoqda. Yangi holatlar Toshkent shahrida, Toshkent, Buxoro, Qashqadaryo va Navoiy viloyatlarida qayd etildi.

Kecha, 01:55

Kun davomida 746 ta koronavirus holati aniqlandi

O‘zbekistonda kun davomida aniqlangan koronavirus holatlari soni 746 tani tashkil etib, umumiy ko‘rsatkich 23 mingtaga yetdi. Shuningdek, kasallikdan sog‘ayganlar 18 mingdan oshdi.

4 avgust 2020, 19:20

Prezident vaksina xarid qilish yo‘llarini ishlab chiqish bo‘yicha topshiriq berdi

Prezident Shavkat Mirziyoyev bosh vazir o‘rinbosariga tez orada vaksina ishlab chiqarishni boshlashi kutilayotgan Xitoy, Hindiston, Buyuk Britaniya, Rossiya farmatsevtika kompaniyalaridan vaksinani xarid qilish va mamlakat aholisi vaksinatsiyasini amalga oshirish yo‘llarini puxta o‘rganib chiqish bo‘yicha topshiriq berdi.

4 avgust 2020, 16:57

Ikki nafar koronavirusga chalingan bemor vafot etdi

Toshkentlik ikki nafar koronavirus infeksiyasiga chalingan bemor (erkak) o‘tkir nafas, yurak qon-tomir va poliorgan yetishmovchiligidan hamda o‘tkir respirator distress sindromidan vafot etdi.

4 avgust 2020, 13:48

Buxoro aeroporti direktori Tohir Bahronov vafot etdi

Buxoro xalqaro aeroporti direktori, sobiq senator Tohir Bahronov vafot etdi. Unga koronavirus tashhisi qo‘yilgan edi.

4 avgust 2020, 11:22

Pandemiya sharoitida dafn marosimlari qanday o‘tkazilishi kerak?

O‘zbekiston musulmonlari idorasi pandemiya davrida mayyitni, xususan koronavirusdan vafot etgan marhumlarni yuvish, kafanlash va dafn etish marosimlari qanday o‘tkazilishi borasida tushuntirish berdi.

4 avgust 2020, 10:16

Koronavirus holatlari 26,5 mingdan oshdi

O‘zbekistonda COVID-19 bemorlari soni 249 nafarga ortib, jami 26550 kishini tashkil etmoqda. Yangi holatlar Toshkent shahrida, Qoraqalpog‘istonda, Toshkent, Xorazm, Qashqadaryo va Navoiy viloyatlarida qayd etildi. Shu bilan birga, ikki nafar koronavirus bemori vafot etdi.

4 avgust 2020, 01:02

Kun davomida 748 kishida koronavirus aniqlandi

O‘zbekistonda kun davomida 748 kishida koronavirus infeksiyasi aniqlanib, jami tasdiqlangan holatlar 26,3 mingdan oshdi. 755 kishi kasallikdan sog‘aygan bo‘lsa, SSV ma’lumotlariga ko‘ra, vafot etganlar soni 159 nafarni tashkil etmoqda.

3 avgust 2020, 18:21

Xorijlik fuqarolar uchun vizalar muddati uzaytirildi

O‘zbekistonda xorijlik fuqarolar uchun vizalarning amal qilish muddati avtomatik ravishda 1 noyabrgacha uzaytirildi.

3 avgust 2020, 16:01

Ikki nafar koronavirusga chalingan bemor vafot etdi

Toshkentlik ikki nafar koronavirus infeksiyasiga chalingan bemor (ayol) o‘tkir nafas, yurak qon-tomir va poliorgan yetishmovchiligidan vafot etdi. COVID-19 asoratlaridan hayotdan ko‘z yumganlar soni 157 nafarga yetdi.

3 avgust 2020, 15:46

O‘zbekiston Qirg‘izistonga 560 ming dollarlik insonparvarlik yordami ajratdi

O‘zbekiston Qirg‘izistonga 2 ming tonna un, 45 tonna xlor, 200 dona pirometr va shaxsiy himoya vositalari yetkazib berdi. Insonparvarlik yordamining umumiy qiymati 560 ming dollarga teng.

3 avgust 2020, 15:00

Koronavirusga qarshi kurashdagi kamchiliklar

Karantin vaqtida aholining tibbiy madaniyatini rivojlantirishda ma’muriy usullarga emas, tushuntirish ishlariga urg‘u berish kerak edi, deydi tibbiy psixolog Abdullajon Begmatov. Uning fikricha, pandemiyaning odamlar hayotidagi psixologik ta’siriga ham kam e’tibor qaratilmoqda. Tibbiy psixolog koronavirusga qarshi kurashdagi kamchiliklar bo‘yicha o‘z fikrlarini «Gazeta.uz» bilan bo‘lishdi.

3 avgust 2020, 10:05

Koronavirus holatlari 25,8 mingdan oshdi

O‘zbekistonda COVID-19 bemorlari soni 275 nafarga ortib, jami 25828 kishini tashkil etmoqda. Yangi holatlar Toshkent shahrida, Qoraqalpog‘istonda, Toshkent, Samarqand, Qashqadaryo, Surxondaryo, Xorazm, Sirdaryo va Farg‘ona viloyatlarida qayd etildi. Shu bilan birga, ikki nafar koronavirus bemori vafot etdi.

1 avgust 2020, 17:57

Prezident Musa Yerniyazov vafoti munosabati bilan ta’ziya marosimida qatnashdi

Nukus shahrida Musa Yerniyazovning vafoti munosabati bilan ta’ziya marosimi bo‘lib o‘tdi. Unda prezident Shavkat Mirziyoyev ishtirok etib, marhumning oila a’zolariga va xalqqa chuqur hamdardlik bildirdi.

1 avgust 2020, 17:05

Shavkat Mirziyoyev Musa Yerniyazov qabrini ziyorat qildi

«Rahmatli Musa og‘a elni yaxshi ko‘rgan, halol, pok, or-nomusli inson edi. U kishiga juda ishonardim, Qoraqalpog‘istondan ko‘nglim to‘q edi». Shavkat Mirziyoyev Nukusga yetib keldi va Musa Yerniyazov qabrini ziyorat qildi.

1 avgust 2020, 16:49

Qashqadaryoda karantin cheklovlari yumshatiladi

Qashqadaryo viloyati tumanlari va shaharlari hokimlariga 3 avgustdan boshlab karantin cheklovlarini bosqichma-bosqich yengillashtirish huquqi berildi. Qarshida 27 iyuldan boshlab ma’lum soatlarda transport qatnovi taqiqlangan edi. Endilikda bunga ruxsat beriladi, shuningdek, kiyim-kechak bozorlari, sartaroshxonalar, ovqatlanish korxonalari va boshqalar asta-sekin ochiladi.

1 avgust 2020, 15:36

Hayot uchun yordam

Aholi uylarini aylanib chiqish orqali tuzilgan muhtoj oilalar ro‘yxatiga asosan hukumat naqd pul tarqatishni boshladi. Iqtisodchi Botir Qobilov kelajakda ehtiyojmand oilalarni aniqlash va mablag‘larni taqsimlashning zamonaviy mexanizmlaridan foydalanishni taklif qildi.

1 avgust 2020, 12:40

Hokimlar nega Toshkentda davolanmoqda

Buxoro viloyati hokimligi matbuot xizmati viloyati hokimi vazifasini bajaruvchi Karim Kamolov nega COVID-19dan Toshkentda davolanayotganligi haqidagi savollarga javob berdi. Unga ko‘ra, bu hokimlar ro‘yxatda turadigan prezident Administratsiyasi qoshidagi Tibbiyot bosh boshqarmasining talabi.