AQSh respublikachilar partiyasi vakillari 5-noyabr kuni bo‘lib o‘tgan ovoz berish natijalariga ko‘ra AQSh kongressi senatida nazoratni qo‘lga kiritdi. Reuters xabariga ko‘ra, G‘arbiy Virjiniya va Ogayo shtatlaridagi g‘alabalar tufayli Respublikachilar parlamentning yuqori palatasida ko‘pchilikni qo‘lga kiritdi.
G‘arbiy Virjiniyada Jim Jastis g‘alaba qozonib, 2024-yilgacha Demokratik partiya vakili bo‘lgan, keyin esa mustaqil kongressmen Jo Manchin o‘rnini egalladi. Ogayoda Berni Moreno g‘alaba qozondi, u amaldagi senator, demokrat Sherrod Braunni ortda qoldirdi.
Ushbu ikkita g‘alaba respublikachilarga 100 o‘rinli senatda kamida 51 o‘rinni egallash imkonini berdi.
Bundan tashqari, respublikachilar kongress vakillar palatasidagi ko‘pchilikni kengaytirishlari mumkin — partiya vakillari Pensilvaniya va Shimoliy Karolinadagi okruglarda demokratlardan o‘rinlarni tortib oldi. Ayni paytda, demokratlar Nyu York va Alabamadagi okruglarda respublikachilarni ortda qoldirdi. 435 o‘rinli palatada ko‘pchilikni qo‘lga kiritish uchun demokratlar kamida oltita o‘rin olishi kerak. Ovoz berishning yakuniy natijalari bir necha kundan keyin ma’lum bo‘ladi.
Parallel ravishda kechayotgan AQSh prezidenti saylovida Respublikachilar partiyasidan nomzod Donald Tramp yetakchilik qilmoqda.
