23-avgust kuni Shavkat Mirziyoyev va O‘zbekistonga tashrif bilan kelgan Ozarbayjon prezidenti Ilhom Aliyev rafiqalari bilan birgalikda ikki mamlakat san’at ustalarining konsertida ishtirok etdi. Bu haqda mezbon davlat rahbari matbuot xizmati xabar qildi.
Unda ta’kidlanishicha, o‘zbek va ozarbayjon xalqlarini “umumiy tarixiy ildizlar, yagona din, o‘xshash madaniyat va urf-odatlar” bog‘lab turadi.
“Prezidentlarning irodasi va sa’y-harakatlari tufayli xalqlarimiz yanada yaqinlashdi, davlatlararo munosabatlar ittifoqchilik darajasiga ko‘tarildi”, — deyiladi xabarda.
Ta’kidlanishicha, O‘zbekistonda ham, Ozarbayjonda ham ikki mamlakat madaniyat arboblarining ijodiga katta hurmat va mehr bilan qaraladi. Shu bois prezidentlar farmoni bilan xonandalar Farrux Zokirov va Po‘lat Bulbul o‘g‘liga “xalq artisti” faxriy unvonlari berildi.
Foto
