9-iyulga belgilangan navbatdan tashqari prezidentlik saylovlari uchun uchinchi nomzod nomi ma’lum bo‘ldi. “Yangi O‘zbekiston” gazetasining Telegram kanalida ma’lum qilinishicha, “Adolat” sotsial-demokratik partiyasi nomzod ko‘rsatish bo‘yicha bo‘lajak qurultoyda ko‘rib chiqish uchun Robaxon Anvarovna Mahmudova nomzodini ma’qulladi.
Robaxon Mahmudova 2020-yil iyul oyidan buyon O‘zbekiston Oliy sudi raisining birinchi o‘rinbosari — Ma’muriy ishlar bo‘yicha sudlov hay’ati raisi lavozimida ishlab kelmoqda.
U 1958-yilda Farg‘ona shahrida tug‘ilgan, bungacha Jinoyat ishlari bo‘yicha Farg‘ona viloyati sudi raisi, O‘zbekiston prezidentining Farg‘ona viloyatidagi Xalq qabulxonasi mudiri lavozimlarida ishlagan. U Senatning Fan, ta’lim va sog‘liqni saqlash masalalari qo‘mitasi raisi bo‘lgan.
Telegramdan foydalanasizmi? Muhim yangiliklarni o‘tkazib yubormaslik uchun kanalimizga a’zo bo‘ling.
Bungacha Xalq demokratik partiyasidan partiya raisi Ulug‘bek Inoyatov, Ekologik partiyadan esa rahbar Abdushukur Xamzayev prezidentlikka nomzod sifatida ko‘rsatilgandi.
