Prezident Shavkat Mirziyoyev 17 fevraldagi qarori bilan (hujjat matni «Gazeta.uz»da mavjud) iqtisodiyot va moliya vaziriga o‘rinbosarlar tayinladi.
2020 yil mart oyidan buyon iqtisodiy taraqqiyot va kambag‘allikni qisqartirish vazirining birinchi o‘rinbosari lavozimida ishlab kelayotgan Norqulov Ilhom Ibroximovich iqtisodiyot va moliya vazirining birinchi o‘rinbosari etib tayinlandi.
2022 yil sentabr oyidan iqtisodiy taraqqiyot va kambag‘allikni qisqartirish vazirining birinchi o‘rinbosari lavozimida ishlab kelayotgan Erkin Erkamovich Rustamov iqtisodiyot va moliya vazirining o‘rinbosari etib tayinlandi.
2020 yil mart oyidan iqtisodiy taraqqiyot va kambag‘allikni qisqartirish vaziri o‘rinbosari lavozimida ishlab kelgan Adiz Muzafarovich Boboyev iqtisodiyot va moliya vazirining yana bir o‘rinbosari etib tayinlandi.
Anvar Rasulovich Karimov ham iqtisodiyot va moliya vazirligi rahbari o‘rinbosari bo‘ldi. U bungacha Sirdaryo viloyati hokimining birinchi o‘rinbosari, moliya vaziri o‘rinbosari va boshqa lavozimlarda ishlagan.
Dilshod Shuxratovich Sultanov iqtisodiyot va moliya vaziri o‘rinbosari etib tayinlandi. 2018 yil sentabr oyidan moliya vaziri o‘rinbosari, avvalroq Moliya vazirligining Davlat budjeti bosh boshqarmasi, G‘aznachilik boshqarmasi boshlig‘i va boshqa lavozimlarda ishlagan.
2021 yil sentabridan buyon moliya vaziri o‘rinbosari lavozimida ishlab kelgan va davlat xaridlari portali faoliyatiga mas’ul bo‘lgan Gulnora Xashimovna Raximova ham iqtisodiyot va moliya vaziri o‘rinbosari bo‘ldi.
2017 yil iyun oyidan Vazirlar Mahkamasi huzuridagi Davlat zaxiralarini boshqarish qo‘mitasini boshqarib kelgan Mirshod Mahmudovich Kurbanov qo‘mita Iqtisodiyot va moliya vazirligi tuzilmasiga o‘tkazilgandan so‘ng o‘z lavozimini saqlab qoldi.
2022 yil mart oyidan buyon Kadastr agentligi direktori bo‘lib ishlab kelayotgan Farrux Jaxongirovich Pulatov ham o‘z lavozimini saqlab qoldi.
Davlat soliq qo‘mitasining Soliq nazorati boshqarmasi boshlig‘i lavozimida ishlab kelgan Lutfullo Xasanboyevich Uмурзаков esa Davlat moliyaviy nazorat inspeksiyasi boshlig‘i etib tayinlandi.
Omonullo Zabixullayevich Nasritdinxo‘jayev (bank sektori uchun mas’ul), Jamshid Ismailovich Abruyev (pensiya tizimi va aholining ijtimoiy himoyaga muhtoj qatlamlarini qo‘llab-quvvatlash uchun mas’ul), Ahadbek Yahebekovich Xaydarov, Odilbek Rustamovich Isakov (birjani rivojlantirish, xalqaro kreditlar reytinglari va yevroobligatsiyalar uchun mas’ul) boshqa lavozimga o‘tgani munosabati bilan moliya vaziri o‘rinbosarlari lavozimidan ozod etildi.
Mirzohid Murodilovich Ubaydullayev, shuningdek, O‘zbekiston iqtisodiy taraqqiyot va kambag‘allikni qisqartirish vaziri o‘rinbosari — Mahallabay ishlash va tadbirkorlikni rivojlantirish direktori lavozimini tark etdi.
Aholi turmush darajasi va kuzatuvlari statistikasi boshqarmasining sobiq boshlig‘i Umid Madaminov va moliya vazirining sobiq o‘rinbosari Axadbek Xaydarov qishloq xo‘jaligi vaziri o‘rinbosarlari etib tayinlandi.
