10 noyabr kuni Rossiya hukumati «O‘zbekiston fuqarolarini Rossiya yuridik shaxslari qo‘lida qurilish, agrosanoat kompleksi va yengil sanoat tarmoqlarida vaqtinchalik mehnat faoliyatini amalga oshirishga jalb qilish» sinov loyihasini amalga oshirish to‘g‘risidagi qarorini tasdiqladi.
Avvallari tashkiliy tarzda ishga qabul qilish loyihasi bo‘yicha O‘zbekistondan kelgan migrantlar soni 11 ming kishi: agrosanoat majmuasida 1100 nafar va qurilishda 10 ming kishidan oshmasligi kerak edi. Qonunga kiritilgan yangi o‘zgarishlarga ko‘ra, Sanoat va savdo vazirligi ehtiyojlarini qo‘shib, migrantlar soni bo‘yicha cheklovlar olib tashlanmoqda.
O‘zbekistondan yollanma ishchilar uchun tibbiy talablar ham o‘zgardi. Agar ilgari koronavirus uchun salbiy test topshirish, Sputnik-Layt bilan emlash yoki ularning koronavirus bilan kasallanganligini tasdiqlash zarur bo‘lgan bo‘lsa, endi emlash shart emas, lekin muhojirlar O‘zbekistonda Rossiya Federal Tibbiyot-biologiya agentligi tomonidan yuborilgan rossiyalik shifokorlar tomonidan tibbiy ko‘rikdan o‘tishlari kerak.
Bundan tashqari, rossiyalik ish beruvchilar endi besh kun ichida «Rossiyada ishlash» yagona raqamli platformasi orqali migrantlarning mamlakatga kirish-chiqishi, ularning patent olgani va mehnat shartnomasi tuzilgani haqida hisobot berishi lozim bo‘ladi.
Shu bilan birga, qayd etamizki, Federal davlat statistika xizmati ma’lumotlariga ko‘ra, joriy yilda O‘zbekiston fuqarolari Rossiyani tark etish ehtimoli ko‘proq. 2021 yilning yanvar-avgust oylarida Rossiyaga 35,7 ming kishi kirgan, 19,9 ming kishi chiqib ketgan va migratsion o‘sish qariyb 16 ming kishi hisobiga saldo ijobiy bo‘lgan. Bugunga kelib esa 2022 yilning yanvaridan avgustigacha O‘zbekistondan Rossiyaga 33,9 ming kishi kirib borgan, 47,6 ming o‘zbekistonlik esa uni tark etgan. Manfiy saldo 13,6 ming kishini tashkil etmoqda.
