14 noyabr kuni Farg‘ona xalqaro aeroportida bir qator reyslar majburiy kechiktirildi, deya xabar bermoqda Uzbekistan Airways kompaniyasi matbuot xizmati.
Qayd etilishicha, holatga noqulay ob-havo sharoiti sabab bo‘lgan. HY081 Toshkent — Farg‘ona qatnovi soat 06:55 o‘rniga soat 09:44 da jo‘nab ketdi. Shuningdek. HY277 Farg‘ona — Istanbul va HY278 Istanbul — Farg‘ona hamda HY082 Toshkent — Farg‘ona qatnovlari ham kechiktirildi.
«Aviakompaniya uchun yo‘lovchilar xavfsizligi yuqori o‘rinda turishini eslatib o‘tadi. Keltirilgan noqulayliklar uchun yo‘lovchilar va ularni kutib oluvchilardan uzr so‘raymiz», — deyiladi xabarda.
