Yagona interaktiv davlat xizmatlari portalida (YAIDXP) orqali avtotransportni boshqarish uchun elektron ishonchnoma rasmiylashtirish xizmati ishga tushirildi.
Ariza beruvchi invoys raqam orqali to‘lovni amalga oshirgach, unga vakolatli organ tomonidan QR-kodli ishonchnoma beriladi.
Elektron ishonchnomani notarial tasdiqlash talab etilmaydi va u YPX xodimlari tomonidan elektron tekshiriladi.
Elektron ishonchnoma uchun alohida to‘lov tartibi (davlat boji — BHM ning 3 baravari — 900 ming so‘m) belgilangan.
Bunda davlat boji:
- 1 oygacha bo‘lgan muddatga — 10% (90 ming so‘m);
- 6 oygacha bo‘lgan muddatga — 50% (450 ming so‘m);
- 3 yilgacha bo‘lgan muddatga — 100% (900 ming so‘m miqdorida) undiriladi.
Avvalroq yagona portal orqali avtomashina avtotransport vositalari oynalarining tusini o‘zgartirishga («tonirovkaga») ruxsatnoma olish xizmati yo‘lga qo‘yilgandi.
Bu bilan, 2021 yilning 1 sentabridan haydovchilardan avtomototransportni boshqarish uchun ishonchnoma, texnik ko‘rikdan o‘tkazilganligi to‘g‘risidagi ma’lumot va «tonirovka» ruxsatnomasini talab etish tartibi bekor qilingan edi.
