Dam olish kunlari issiq bo‘ladi

Dam olish kunlari mamlakat bo‘ylab quruq va biroz issiq ob-havo kuzatiladi, ayrim tog‘li hududlarda momaqaldiroq bilan qisqa muddatli yomg‘irlar yog‘adi.

Deputat «Gazeta.uz» Nukusdan tayyorlagan reportajni yolg‘on deb atadi

Qonunchilik palatasi spikeri o‘rinbosari, Qoraqalpog‘istondagi voqealarni o‘rganish bo‘yicha parlament komissiyasi a’zosi Alisher Qodirov «Gazeta.uz» Nukusdan tayyorlagan reportajni yolg‘on deb atadi va «oldi-qochdi talqinlarga» ishonmaslikka chaqirdi.

Shaxmat bo‘yicha xalqaro turnir sovrindorlari va ularning trenerlariga pul mukofoti beriladi

Prezident qarori bilan xalqaro nufuzli musobaqalarda sovrindor bo‘lgan sportchilarga pul mukofotlari beriladi. Jumladan, Butunjahon shaxmat olimpiadasi g‘olibi — 600 mln so‘m bilan mukofotlanadi. Qolaversa, sovrindorlarning trenerlari ham shogirdi mukofotining yarmiga teng miqdorda pul oladi.

Navoiyda Xalqaro shaxmat maktabi ochiladi

Prezident qaroriga ko‘ra, Navoiydagi «To‘dako‘l» dam olish bazasida Xalqaro shaxmat maktabi tashkil etiladi. Qolaversa, 2023 yildan boshlab har yili mukofoti 50 ming dollarlik «Women's Chess Championship» xalqaro turniri hamda «Uzbekistan Chess Open» xalqaro turniri o‘tkaziladi.

So‘rovda qatnashgan deyarli 40% yoshlar pora berishni korrupsiya deb hisoblamaydi — Antikorrupsiya agentligi rahbari

O‘tkazilgan so‘rovga ko‘ra, 39 foiz yoshlar pora berishni korrupsiya deb hisoblamaydi, dedi Antikorrupsiya agentligi rahbari. Senator Mahmud Parpiyevning aytishicha, bu korrupsiyaga qarshi kurashda amalga oshirilishi lozim bo‘lgan ko‘plab ishlardan dalolat beradi.

Davlat xizmatchilari daromadini deklaratsiya qiluvchi tizim tayyor, qonunni qabul qilish qoldi — Akmal Burxonov

Davlat xizmatchilari daromadlarini deklaratsiya qilishga oid tizim va qonun loyihasi allaqachon tayyor, dedi Antikorrupsiya agentligi rahbari. U keyinroq qonun loyihasi xalqaro tashkilotlar e’tirozi tufayli takomillashtirilayotganini aytdi. Prezident farmoniga muvofiq, tizim 1 yanvardayoq ishga tushishi kerak edi.

Davlat qaysi holatda alimentni qarzdorning o‘rniga to‘lab beradi?

Hukumat qarori bilan davlat faqat birgina holatda — voyaga yetmagan farzandini moddiy ta’minlashdan bo‘yin tovlaganlik uchun jinoiy javobgarlikka tortilgan shaxs o‘rniga alimentni to‘lab beradi. Mablag‘ni Aliment to‘lovlari jamg‘armasi ajratadi. Keyinchalik MIB qarzdordan ushbu mablag‘ni undirib oladi.

Ichki ishlar organlari rahbarlari deputatlar oldida hisobot beradi

Senat hududiy ichki ishlar boshqarmalari rahbarlarining har chorakda Qoraqalpog‘iston Jo‘qorg‘i Kengesi va mahalliy kengashlarga hisobot taqdim etishi to‘g‘risidagi qonunni ma’qulladi. Shuningdek, tuman va shahar IIB boshliqlari ham (har chorakda) va ularning o‘rinbosarlari (har oyda) hisobot beradi.

Ko‘p kvartirali uylar aholisi o‘z xonadoni ostidagi va unga tutash yerdan foydalanish huquqini qo‘lga kiritadi

Hokimiyatlarga 2024 yil 1 yanvarga qadar ko‘p kvartirali turar-joy binolari va unga tutash yer uchastkalarini doimiy foydalanish huquqi asosida uy egalariga notijorat maqsadlarda foydalanishga topshirish vazifasi yuklatildi.

Soliq maslahatiga oid yangi qonun qabul qilindi

«Soliq maslahatiga oid faoliyat to‘g‘risida»gi qonun qabul qilindi. Unga ko‘ra, soliq maslahatchisi mijozga soliqlar va yig‘imlarni hisoblash, to‘lash, hisobot tayyorlashda ko‘maklashishi, qolaversa, sudlar va huquqni muhofaza qiluvchi organlarda vakil sifatida qatnashishi mumkin. Yangi tartib oktabrdan kuchga kiradi.

Toshkentda avtomobil urib yuborishi natijasida piyoda halok bo‘ldi

Toshkentning Abdulla Qodiriy ko‘chasida Lacetti avtomobili haydovchisi bir insonni urib yubordi. Piyoda voqea joyida vafot etgan.

«Har beshinchi chaqaloq asoratli tug‘ruq bilan tug‘ilyapti» — senator

O‘zbekistonda 2021 yilda 910 ming nafar chaqaloqdan 170 ming nafari nuqson bilan tug‘ildi, deb ma’lum qildi senator Diloram Tashmuxamedova. Uning so‘zlariga ko‘ra, yoshlar va ularning ota-onalari nikohni qayd etish oldidan tibbiy ko‘rikdan o‘tishga jiddiy e’tibor qaratmayapti.

«Senat „adi-badi“ aytishib o‘tiradigan joy emas». Tanzila Narbayeva agentlik direktori va vazir debati haqida

Senatda Antikorrupsiya agentligi rahbari Akmal Burxonov 2021 yilda sog‘liqni saqlash tizimi eng korrupsiyalashgan soha bo‘lganini ma’lum qildi. SSV rahbari esa buni «katta raqamlar ortidan quvish» deb atadi va sudda o‘z tasdig‘ini topganini shubha ostiga oldi. Tanzila Narbayeva bahsga aralashishga majbur bo‘ldi.

O‘zbekiston va Tojikiston harbiy mashg‘ulotlar o‘tkazmoqda

Termizda O‘zbekiston va Tojikistonning «Hamdo‘stlik-2022» qo‘shma harbiy mashg‘ulotlari boshlandi.

Farg‘ona NQIZ o‘zini yoqib yubormoqchi bo‘lgan xodimi bo‘yicha izoh berdi

Farg‘ona neftni qayta ishlash zavodida xodim o‘ziga benzin sepib, yoqib yubordi. FNQIZ bunga u ishdan bo‘shatilgani sabab bo‘lgani haqidagi xabarlarni rad etib, shu kuni xodimning yonida ruxsatnomasi bo‘lmaganligi uchun ishga kiritilmaganini ma’lum qildi. Korxona unga yordam ko‘rsatmoqda.