JSST: 2022 yilning mart oyining o‘zida Yevropada koronavirusdan 500 ming kishi vafot etishi mumkin

Jahon sog‘liqni saqlash tashkiloti Yevropada COVID-19 tarqalishidan «juda xavotirda», chunki qit’a infeksiyaning yangi to‘lqini bilan kurashmoqda, deya xabar qildi BBC.

«Agar shoshilinch choralar ko‘rilmasa, mart oyining o‘zida yana 500 ming o‘lim qayd etilishi mumkin», — deya ogohlantirdi doktor Xans Kluge.

Doktor Klugening aytishicha, niqob taqish kasallik ko‘payishining oldini olishda yordam berishi mumkin.

Qayd etilishicha, oxirgi kunlarda bir qator Yevropadagi davlat hukumatlari COVID-19 bilan kasallanish holatlari ko‘paygani sababli karantin cheklovlarini kuchaytirdi

Xans Kluge vaksinatsiyani kuchaytirish hamda sog‘liqni saqlashning asosiy choralarini va kasallik ko‘payishi bilan kurashishga yordam beradigan yangi choralarni amalga oshirishga chaqirdi.


Viskonsindagi parad paytida avtomobil odamlarni bosib ketdi

AQShning Uokesha shahrida avtomobil Rojdestvo paradi paytida odamlar orasida yuqori tezlikda harakatlandi, deya xabar berdi Kommersant’ . Voqea oqibatida bir necha kishi jarohatlangan. Politsiya mashinaga qarata o‘t ochgan.

Rasmiylar hozircha hodisa tafsilotlarini rasman oshkor etmagan. Guvohlarning aytishicha, mashina parad marshruti bo‘ylab yuqori tezlikda harakatlanib, keyin halokatga uchragan. Voqea joyida ko‘plab politsiya xodimlari va tez yordam mashinalari ishlamoqda.


Niderlandiyadagi tartibsizliklar chog‘ida 100 dan ortiq kishi qo‘lga olindi

Niderlandiyaning bir nechta shaharlarida politsiya COVID-19 cheklovlariga qarshi norozilik bildirgan 30 ga yaqin shaxsni ushladi va uch kunda sodir bo‘lgan tartibsizliklarda hibsga olinganlarning umumiy soni 100 dan oshdi.

Niderlandiyada ketma-ket uch kundan beri koronavirusga qarshi cheklov choralariga qarshi norozilik namoyishlari to‘xtamayapti. Politsiya mamlakat bo‘ylab 30 ga yaqin odamni vandalizm, o‘t qo‘yish va pirotexnikadan foydalangani uchun hibsga olgan. Bir qator shaharlarda favqulodda holat rejimi joriy etilgan — RIA Novosti.


Pfizer va BioNTech kompaniyalari bolalar uchun vaksinalarning samarsi 100 foiz ekanini qayd etdi

Pfizer va BioNTech kompaniyalari ularning COVID-19'ga qarshi vaksinasi 12−15 yoshli bolalarni koronavirus bilan kasallanishdan himoya qilishda 100% samarali ekanligini tasdiqladi. Bu haqda RIA Novosti xabar berdi.

Mart oyining oxirida kompaniyalar ushbu yosh toifasi uchun vaksinalarining samaradorligi 100% ekanligini e’lon qilgan.

Kompaniyalar press-reliziga ko‘ra, klinik sinovlarning uchinchi bosqichi ishtirokchilarining keyingi ma’lumotlari tahlil qilingan. Unda 2,2 mingdan ortiq bola ishtirok etgan. Tasdiqlangan 30 ta koronavirus infeksiyasi holatining barchasi platsebo deb ataladigan emizikli bolalar guruhida qayd etilgan.


Avstriya lokdaun paytida chegaralar to‘liq yopilishini ma’lum qildi

Avstriyaning Moskvadagi sayyohlik idorasi 22 noyabrdan 3 dekabrgacha bo‘lgan karantin davrida mamlakat chegaralari hatto emlangan chet el fuqarolari uchun ham yopilishini ma’lum qildi, deya xabar berdi Radio Sputnik.

Avstriyada 22 noyabrdan 3 dekabrgacha umummilliy lokdaun e’lon qilindi. Mamlakat rasmiylarining aniqlik kiritishicha, epidemiologik vaziyatga qarab, karantin 13 dekabrgacha uzaytirilishi mumkin.

Davlat turizm boshqarmasi ma’lumotlariga ko‘ra, shu kunlarda mamlakatdagi barcha restoranlar, mehmonxonalar, fitnes klublar va boshqa sport inshootlari, go‘zallik salonlari va zarur bo‘lmagan tovarlar sotiladigan do‘konlar yopiladi. Faqat oziq-ovqat do‘konlari, dorixonalar, banklar va pochta bo‘limlarigina ishlaydi.


Qozog‘istonda suv ombori to‘g‘oni yorilib ketdi

Olmaota viloyatidagi Knijevsk suv ombori to‘g‘onida qisman yorilish kuzatilgan. Bu haqda Qozog‘iston Favqulodda vaziyatlar vazirligi rasmiy vakiliga tayanib Tengrinews xabar berdi.

Suv omborining hajmi 4,47 million metr kubni tashkil etadi, ayni paytda u 50 foizga to‘lgan. Yoriqning kengligi 5−6 metrni, undan sekundiga 30 metr kub suv oqib chiqmoqda, deyiladi xabarda.