17−24 noyabr kunlari O‘zbekiston va Qozog‘iston harbiy mashg‘ulotlari «Termiz» poligonida o‘tkaziladi, deb xabar berdi Qozog‘iston Mudofaa vazirligi matbuot xizmati.
Qo‘shma manevrlardan maqsad — qo‘shma vazifalarni hal qilish jarayonida ikki davlat qurolli kuchlarining o‘zaro muvofiqligi va darajasini oshirishdir.
Qozog‘iston tomonidan mashg‘ulotda 100 dan ortiq harbiy xizmatchi qatnashadi, ko‘p funksiyali Su-30SM qiruvchilari, C-295 harbiy-transport samolyotlari, taktik uchuvchisiz havo qurilmalaridan foydalaniladi, deyiladi xabarda.
O‘quv-jang mashg‘ulotlarida qozog‘istonlik bo‘linmalar qidiruv-razvedka operatsiyasi, dushmanning ilg‘or otryadlarini yo‘q qilish paytida jangovar gvardiya bo‘linmalarining harakatlarini ishlab chiqish, noqonuniy qurolli tuzilmalarning tajovuzkorligi va keyinchalik bartaraf qilinishini aks ettirish, yaradorlarni va yaroqsiz texnikalarni jang maydonidan evakuatsiya qilishni amalga oshiradi.
Eslatib o‘tamiz, avvalroq O‘zbekiston bilan «Qalqon-2021» qo‘shma o‘quv mashqi Qozog‘istonnning Jambul viloyatidagi «Matibuloq» poligonida bo‘lib o‘tgan edi.
