Bugun, 29 oktabr kuni kunduzi O‘zbekiston hududining katta qismida bulutli va yog‘ingarchiliksiz sovuq ob-havo bo‘lishi kutilmoqda. Faqat Farg‘ona vodiysida kunning ikkinchi yarmida biroz yomg‘ir yog‘adi, Toshkent viloyatida esa kunning birinchi yarmida ba’zi joylarda biroz shivalama yomg‘ir yog‘ishi mumkin, deb xabar berdi O‘zgidromet.
Tog‘li hududlarda ba’zi joylarda yomg‘ir va qor ko‘rinishidagi yog‘ingarchilik bo‘ladi. Havo harorati +8…+13 daraja iliq atrofida bo‘ladi. Bu oktabr oyi oxirgi kunlari me’yoridan 4−5 daraja past.
Ertaga, 30 oktabr kuni O‘zbekistonda bulutlilik nisbatan kam bo‘ladi, yog‘ingarchilik hatto tog‘li hududlarda kutilmaydi. Kechasi sovuq bo‘ladi, kechasi va ertalab harorat 0…+3 darajagacha pasayadi, kunduz kuni esa quyosh havoni +16…+19 darajagacha isitadi.
Yakshanba, 31 oktabr kuni respublika bo‘yicha havoda yana bulut ko‘payishi kutilmoqda, O‘zbekistonning ayrim hududlarida biroz yomg‘ir yog‘ishi ehtimoli bor. Tog‘larda ba’zi joylarda yog‘ingarchilik (yomg‘ir, qor) bo‘ladi. Havo harorati kechasi +2…+7 daraja iliq, kunduzi +12…+17 daraja iliq atrofida bo‘ladi.
