8 oktabr kuni soat 04:50 da Samarqand viloyati Kattaqo‘rg‘on shahar “Ko‘xnadam” MFY Toshkent ko‘chasida joylashgan uylarning birida havo-gaz aralashmasining chaqnashi sodir bo‘lganligi to‘g‘risida Kattaqo‘rg‘on shahar FV bo‘limiga xabar kelib tushgan. Bu haqda FVV axborot xizmati xabar berdi.
2 ta yong‘in-qutqaruv guruhi soat 04:55 da hodisa joyiga yetib borgan. Havo-gaz aralashmasining chaqnashidan ushbu xonadonga mehmon bo‘lib kelgan 1982 y.t. A.A (erkak kishi) kuyish tan jarohati olib, Kattako‘rg‘on shahar tibbiyot birlashmasiga yuborilgan. Shifokorlar tomonidan A.A. ning yuzi, bo‘yni ko‘krak oldi, ikkala qo‘l sohasi termik kuyish tashhisi qo‘yilgan va umumiy kuyish sathi 50% tan jarohati olganligini ma’lum qilingan.
Voqea kelib chiqishining taxminiy sababi, xonadonga yaqin yer ostidan o‘tgan tabiiy gaz quvuridan sizib chiqqan gazning uyiga to‘planishi natijasida chaqnash yuzaga kelgan.
Hodisa joyiga FVB, IIB, SSB va boshqa tegishli idoralarning kuch hamda vositalari jalb qilinib, vaziyat oqibatlarini bartaraf etish bo‘yicha ishlar olib borildi.
Hozirda holat yuzasidan surishtiruv ishlari olib borilmoqda.
