Juma, 6 avgust kuni O‘zbekistonga yana 1 mln doza xitoy-o‘zbek ZF-UZ-VAC2001 vaksinasi olib kelindi, deya xabar bermoqda SSV matbuot xizmati.
Shunday qilib, O‘zbekistonning vaksina zaxirasi 14 mln 580 ming 60 dozaga yetmoqda. Ulardan 10,5 mlni — ZF-UZ-VAC2001 vaksinasi, 710 mingtasi — AstraZeneca (Covieshield, COVAX dasturi asosida bepul yetkazib berilgan), 370 mingtasi — Rossiyaning “Sputnik V” va 3 mln 60 dozasi Moderna vaksinasi hisoblanadi.
Ayni paytga qadar shundan 9 mln dozadan ortig‘i vaksinatsiya jarayonlarida qo‘llanildi.
Ma’lumot uchun bundan avval ZF-UZ-VAC2001'ning: 27 martda — 1 mln doza, 27 aprelda — 1 mln doza, 18 mayda — 1 mln doza, 19 mayda — 500 ming doza, 10 iyunda — 1 mln doza, 29 iyunda — 1 mln doza, 30 iyunda — 1 mln doza, 20 iyulda — 1 mln doza, 21 iyulda — 1 mln doza va 5 avgust kuni — 1 mln doza partiyalari keltirilgan.
