Yangi Zelandiyaning Oklend shahri The Economist Intelligence Unit talqiniga ko‘ra, yashash uchun eng qulay bo‘lgan shaharlar reytingida birinchi o‘rinni egalladi.
«Chegaralarning yopilishi va natijada COVID-19 bilan kasallanganlarning kamligi sababli Yangi Zelandiya teatrlar, restoranlar va boshqa madaniy diqqatga sazovor joylarni ochiq saqlashga muvaffaq bo‘ldi. Talabalar maktabda o‘qishni davom ettirishga muvaffaq bo‘lishdi», — deya izoh berishdi reyting mualliflari.
Ushbu reyting bo‘yicha top-10 likka kirgan shaharlar:
- Oklend (Yangi Zelandiya)
- Osaka (Yaponiya)
- Adelaida (Avstraliya)
- Vellington (Yangi Zelandiya)
- Tokio (Yaponiya)
- Pert (Avstraliya)
- Syurix (Shveysariya)
- Jeneva (Shveysariya)
- Melburn (Avstraliya)
- Brisben (Avstraliya)
Yashash uchun yaroqlilik ro‘yxatida so‘nggi beshta o‘rinni Jazoir (Jazoir), Dakka (Bangladesh), Port-Morsbi (Papua Yangi Gvineya), Lagos (Nigeriya) va Damashq (Suriya) kabi shaharlar egalladi.
Economist Intelligence Unit reytingida jami 140 ta shahar beshta yo‘nalish, jumladan barqarorlik, sog‘liqni saqlash, ta’lim, madaniyat va atrof-muhit, hamda infratuzilma sohalari bo‘yicha baholangan.