«Qoraqalpog‘iston qishloq xo‘jaligi va agrotexnologiyalar institutini tashkil etish chora-tadbirlari to‘g‘risida» hukumat qarori qabul qilindi.

Qarorga muvofiq, institut 2021−2022 o‘quv yilidan Toshkent davlat agrar universitetining Nukus filiali negizida tashkil etiladi.

Institutda ta’limning kredit-modul tizimi joriy etiladi, shuningdek, haftada besh kunlik o‘qish hamda haftaning shanba kuni mustaqil o‘zlashtirish kuni deb belgilanadi.

2022−2023 o‘quv yilidan institut tuzilmasida Germaniya Xalqaro hamkorlik tashkiloti bilan hamkorlikda «Geoaxborot tizimlari» markazi va laboratoriyasi tashkil etiladi.

Shuningdek, hujjatga ko‘ra, institutga xorijdan va respublikaning boshqa hududlaridan ishga taklif etilgan mutaxassislarga Nukus shahrida qurilayotgan arzon uy-joylar imtiyozli shartlar asosida ajratiladi.