Hindistondagi koronavirus infeksiyasini tarqalishini bartaraf etish uchun O‘zbekiston insonparvarlik yordamini yuvoradi, deya xabar bermoqda «Nigoh».
Gumanitar yordam sifatida «Remdesivir» preparati, etil spirti, mobil kislorod konsentratori to‘plamlari va bir martalik respiratorlarini yetkazib berish rejalashtirilgan.
Hozirda Hindistonda COVID-19 bilan kasallanishning rekord darajadagi yangi holatlari aniqlanmoqda. Faqat 10 kun ichida 3,2 milliondan ortiq kishi kasallangan va 24 mingdan ortig‘i vafot etgan.
Bundan tashqari, ikki marta mutatsiyaga ega bo‘lgan koronavirusning yangi turi (V.1.617) aniqlangan. Ushbu kasallik bilan koronavirusdan tuzalganlar va emlanganlar ham kasallanishi mumkin.
Mamlakat sog‘liqni saqlash tizimi hozirgi vaziyatga bardosh bera olmayapti. Kasalxonalarda yotoq, dori-darmon va kislorod yetishmovchiligi mavjud. Shu bilan birga, ma’lumotlarga ko‘ra narxlar sezilarli darajada ko‘tarilmoqda. Masalan, 1 kg kislorod narxi 100%dan oshdi, virusga qarshi «Remdesivir» preparati narxi esa 1000%gacha ko‘tarildi (53,75 dollardan 537,5 dollargacha).
