28 aprel kuni Toshkent metropolitenining «Novza» bekati yaqinida poyezd vagoni texnik nosozlik oqibatida to‘xtab qolgani haqida xabar berilgan edi.
Ijtimoiy tarmoqlarda mazkur holatning video lavhalari tarqalgach, xabar turli fikr-mulohazalarga sabab bo‘ldi. Jumladan, Twitter foydalanuvchilari ushbu holat yuzasidan o‘z fikrlarini bildirishdi.
Metrodagi noxush holatlar shubhali tarzda ko‘payib ketdi, kimdir sabotaj bilan shug‘ullanayotganga o‘xshaydi
— Furqat Tojiev (@FurqatTojiev) April 28, 2021
«Novza» bekati yaqinidagi poyezd vagoni sabab «Paxtakor» metrosiga kelgan poyezdlardan yo‘lovchilar tushirildi. Ayni shu holat:
Paxtakor metro, birorta boʻsh joy yoʻq unshlag! pic.twitter.com/WSJTG5LaAq
— Temurbek (@Temurbeck) April 28, 2021
Nafaqat Twitter, balki metro foydalanuvchisi ushbu transport vositasida yurishdan voz kechmoqchi:
Metroda yurishdan to’liq voz kechaman shekilli bu ketishda pic.twitter.com/wobF6bPHRo
— Hoshimov (@dilshodhoshimov) April 28, 2021
Iqtisodchi Otabek Bakirov savol yo‘lladi:
Ramatov boshchiligidagi hukumat komissiyasi tuzildimi?
— bakiroo (@the_bakiroo) April 28, 2021
Mazkur holat reklamaga aylanganda qanday bo‘lar edi:
Reklama: Haqiqiy adrenalin olishni istaysizmi? O‘zingizni Golivud kinolaridek tassavur qilishnichi, oyeq tagida katta tok borligini bilishnichi? U holda sizni Toshkeni METROsiga taklif etamiz. Yarim yo‘ldan peshkom ketasiz.
— Navruzbek (@navik21) April 28, 2021
© Toshkent siti mamuriyati
Yana bir foydalanuvchi metro to‘xtab qolganida qanday holatda ekanligini aytdi:
Metroda nosozlik bo‘lgan vaqti ichkarida edim. Stansiyalarda qadam bosishga joy yo‘q, odamlar o‘zaro nizolashgan, tiqilinch… Xullas, umumiy inqiroz! Borgan sari jiddiylashyapti metro atrofidagi muammolar.
— Orif (@OrifTolipov) April 28, 2021
Mantiqiy davomiylik bo‘ylab yurgisi ham kelmaydi kishini! Choradan darak yo‘q.
Twitter foydalanuvchilarining yana biri mazkur metroni qurganlar iste’fo berishini ta’kidlamoqda:
Metroni qurganlar hech bo‘lmasa iste’fo bersiney!
— Komila Abdullayeva (@komilaabdullah) April 28, 2021
Bilamiz, jazoning muqarrarligi prinsipi ularga ishlamaydi…
(Ma’lumot uchun, Toshkent metropoliteni qurilishi 1977-yilda boshlangan. Metroning «Chilonzor» yo‘nalishi to‘liq 1980-yil 18-avgustda qurib bitkazilgan — tahr.)
Siz yoshligingizda metro relsiga inson tushishi haqida o‘ylab ko‘rganmisiz?
Yoshligimda metroni relsiga odam tushsa tok urib o‘ladi deb o‘ylardim, vek jivi, vek uchis https://t.co/sgqPDkTtol
— Herolion (@Aslanov_K) April 28, 2021
Yana bir foydalanuvchi yoshligida relsga tushib yurish imkoniyati bo‘lmaganini ta’kidladi:
Hozirgi yoshlaga yaratilvotgan imkoniyat bizani paytlada bo‘magan, biza metroni relsiga tushishi faqat tushimizda ko‘rardik, a hozir hich bir to‘siq yo‘q bunga
— Bemalolxo'ja (@xotirijam) April 28, 2021
Ayrim kishilar o‘zlarining metrodan foydalangan paytlarini eslashdi:
Talabaligimda metro bilan bog‘liq ikkita voqea bo‘lgan. Bir marta yo‘lda vagonga nimadir bo‘lgan lekin yarim yo‘lda qolmaganmiz. Keyingi bekatga hammani tushurib vagonni haydab ketgan mashinist. Yana bir marta 3310 Nokia telefonim qo‘limdan tushib ketgan relsda. Sakrab tushib ovoganman.
— FaraOne (@GrFaraon1) April 29, 2021
U paytda aytish, yozish mumkin emas edi deganlar uchun:
— bakiroo (@the_bakiroo) April 29, 2021
Toki mashina olmaguncha, 1996−2010 yillarda metrodan o‘ta faol foydalanganman. Biron marta favqulodda holatga duch kelmaganman. Toshkent metrosi va ishonch sinonim so‘zlar edi https://t.co/0XMChSo43R
Ochiqlik, oshkoralikning yana bir ko‘rinishi:
Toshkent metropoliteni «Yangi O‘zbekistonni» yorqin timsoli.
— Jamolbobo (@Jamolbobo1) April 29, 2021
IAK davrida metro stansiyada rasm olish ham mumkin emasdi.
Mana «Yangi O‘zbekistonda» stansiyalar oralig‘ida sayyohatlar tashkil qilinmoqda. Foto, video bemalol. Ochiqlik, oshkoralik! pic.twitter.com/fpFNOWq4hs