26 aprel kuni Toshkent mexanika zavodi hududida chiqindilar yonib ketdi. Ijtimoiy tarmoqlarda hodisa aks etgan videoyozuvlar tarqaldi.
Favqulodda vaziyatlar vazirligi matbuot xizmatining xabar qilishicha, FVV navbatchilik qismiga soat 16:32da sanoat chiqindilari yonayotganligi to‘g‘risida xabar kelib tushdi.
Hodisa joyiga zudlik bilan Toshkent shahar Favqulodda vaziyatlar boshqarmasining 2 ta yong‘in-qutqaruv guruhi yetib kelgan. Oqibatda 60 kvadrat metrga zarar yetgan. Qutqaruvchilarning tezkor harakatlari tufayli yong‘in bir necha daqiqalarda bartaraf etilgan.
Hodisada jabrlangan va qurbonlar yo‘q.
