Toshkent metropolitenida jamoat tartibini buzgan holda to‘y qilib, uni ijtimoiy tarmoqlarga joylagan shaxslarga nisbatan chora ko‘rildi. Bu haqda IIV matbuot xizmati xabar bermoqda.

Avvalroq ijtimoiy tarmoqlarda metro vagonida to‘y nishonlanayotgani aks etgan video tarqalgan edi. Metro vagonida video olgan shaxslar tergovga chaqirilgan.

Qoidabuzarlarning har biriga Yashnobod va Mirzo Ulug‘bek tumani Jinoiy ishlari bo‘yicha sudlari tomonidan Ma’muriy javobgarlik bo‘yicha kodeksning 183 (mayda bezorilik), 54 (epidemiyalarga qarshi kurash qoidalarini buzish) va 115-moddalariga (metropolitendan foydalanish qoidalarini buzish) asosan jami BHMning 4 barobari (980 ming so‘m) miqdorida jarima jazosi tayinlandi.

«Qilgan ishimizdan afsusdamiz. Bizlarni ko‘rib kimdir metroda yana nimadir uyushtirmasin. Jamoamiz bilan endi metroda video olmaymiz. Boshqa joylarda, qonunni buzmasdan video olamiz», — deydi ayblanuvchilar.