19 mart kuni Samarqand shahrida 1680 o‘rinli yangi 81-sonli maktabning ochilish marosimi bo‘lib o‘tdi. Bu viloyatdagi eng katta maktab, deya ma’lumot bermoqda viloyat hokimligi matbuot xizmati.
To‘rt qavatli maktab binosi 2019 yilda qurilishi boshlangan «Qorasu» turar joyida joylashgan. Maktabda 60 ta o‘quv xonasi, ikkita sport zali, kutubxona, shuningdek, futbol va voleybol maydonlari va tennis korti mavjud.
Endi 1−4 sinf o‘quvchilari yangi maktabda o‘qishni boshladilar. Ta’lim muassasasi yangi o‘quv yilidan boshlab to‘liq tarkibda ishlay boshlaydi.
