O‘zbekiston Qishloq xo‘jaligi vazirligi haftalik fevral oylarining sovuqlari kelajakdagi qishloq xo‘jaligi hosiliga ta’sirini o‘rganmoqda. Hozirda barcha viloyatlar va Qoraqalpog‘istondagi bog‘lar, uzumzorlar va boshqa qishloq xo‘jaligi yerlarining to‘liq monitoringi olib borilmoqda, deb xabar berdi Qishloq xo‘jaligi vazirligi «Gazeta.uz» ga.
Ta’kidlanishicha, sovuq ob-havoning birinchi unib chiqqan nihol, gul va daraxtlarning ko‘chatlariga ta’sirini, shuningdek muzlashga qarshi barcha operativ choralarning natijalarini sovuq kunlardan 3−4 kun o‘tgach baholash mumkin.
Shu sababli, bog‘ va uzumzorlarni ko‘rib chiqish tadbirlari nisbatan barqaror iliq ob-havoning boshlanishi bilan tashkil etildi, ya’ni o‘simliklarni saqlab qolish uchun qilingan chora-tadbirlardan ma’lum vaqt o‘tgach, deya ta’kidladi vazirlik.
Qishloq xo‘jaligi vazirligining bog‘dorchilik, uzumchilik, poliz va kartoshka yetishtirishni rivojlantirish boshqarmasi boshlig‘i Faxriddin Qirg‘izboyevning so‘zlariga ko‘ra, vazirlikning hududiy boshqarmalari hamda unga vazirlikka qarashli tashkilotlar tomonidan olimlar va mutaxassislar hosilni yo‘qotishlarini aniqlash uchun jalb qilinmoqda. Shu bilan birga, ular 2021 yilda yetishtiriladigan hosil hajmini o‘rganadi.
«Shimoliy hududlarda sovuq ta’sir etgan bog‘ va uzumzorlarga alohida e’tibor berilmoqda, u yerda sovuqlar ko‘proq uriladi, ya’ni -22 darajagacha. Shunisi e’tiborga loyiqki, ushbu mintaqalarda fevral oyining 1−2 o‘n kunligida janubiy viloyatlarda bo‘lgani kabi anomal issiq ob-havo bo‘lmagan va shuning uchun o‘simliklarning aksariyat qismida kurtak otmagan. Bu bizga shimoliy hududlarda katta yo‘qotish bo‘lmaydi deb taxmin qilishimizga asos beradi», — dedi u.
Mutaxassis mamlakatning janubiy viloyatlari ham katta yo‘qotishlarning oldini olishga muvaffaq bo‘lganiga umid bildirdi. «Monitoringning yakuniy natijalari hamma narsani ko‘rsatadi», — dedi Faxriddin Qirg‘izboyev.
Qishloq xo‘jaligi yerlarini kuzatish yakuniga ko‘ra, natijalar har bir alohida viloyat va havo haroratining kuchli o‘zgarishi tufayli xavf ostida bo‘lgan barcha ekinlar kesimida taqdim etiladi.
Avvalroq, O‘zgidromet 25−27 fevralda kutilayotgan sovuqlar oyning ikkinchi o‘n kunligida mevali daraxtlarning yozilgan kurtaklari va gullariga zarar yetkazishi haqida ogohlantirgan edi.
Shuningdek, Qishloq xo‘jaligi vazirligi keskin ob-havo sharoitida qishloq xo‘jaligi ekinlari, meva, sabzavot va daraxtlarni saqlab qolish uchun amalga oshirish kerak bo‘lgan tavsiyalarni ma’lum qilgan edi.
