Ukrainadagi muholifat prezidentga nisbatan impichment e’lon qilishni rejalashtirmoqda
Oliy Radadagi «Oppozitsiya platformasi — hayot uchun» (OPHU) fraksiyasi Ukraina prezidenti Vladimir Zelenskiyga qarshi «112 Ukraina» telekanali, ZIK va NewsOnega qarshi sanksiyalar munosabati bilan impichment e’lon qilishni tashabbus qilmoqda. Bu haqda parlament minbaridan OPHU partiyasining hamraisi Vadim Rabinovich aytib o‘tdi. «Biz partiyaning favqulodda qurultoyini o‘tkazamiz va Zelenskiyga impichment e’lon qilamiz» — dedi u. Deputatning qo‘shimcha qilishicha, 3 fevral kechqurun qabul qilingan sanksiyalar tufayli «Ukraina fuqarolari boshqa mamlakatda uyg‘ongan, chunki mustaqillik tarixida birinchi marta hokimiyat uchta yetakchi axborot kanalini taqiqlab qo‘ygan». — TASS.
AQSH kongressmenlari metall detektorlaridan o‘tishdan bosh tortgan amaldorlar uchun jarimalar tizimini joriy etishdi
2 fevral kuni AQSH Vakillar palatasi sud zalidan tashqarida metall detektorlari orqali o‘tishdan bosh tortgan amaldorlarga katta miqdorda jarima soladigan yangi qoidalarni tasdiqladi. Birinchi qoidabuzarlik 5 ming dollar, ikkinchisi 10 ming dollar miqdorida jarimaga sabab bo‘ladi. «Kongressning ba’zi a’zolari nega bu oddiy, oqilona uy sharoitidagi xavfsizlik choralariga qarshi chiqishlari mumkinligini tushunish qiyin, — dedi Vakillar palatasi spikeri Nensi Pelosi. — The Hill.
Yaponiyada favqulodda vaziyat rejimi uzaytirilgani tufayli aholini moliyaviy qo‘llab-quvvatlash choralari kengaytirildi
Yaponiya hukumati mamlakatning 10 ta prefekturasida favqulodda vaziyat uzaytirilagani munosabati bilan aholini moliyaviy qo‘llab-quvvatlash choralarini kengaytirishga qaror qildi. Ta’kidlanishicha, yuqumli kasalliklarning oldini olish uchun ish vaqtini qisqartirishga majbur bo‘lgan ovqatlanish korxonalari egalari 600 ming iyenagacha (taxminan 5,7 ming dollar) bir martalik to‘lovni olishlari mumkin. Bundan tashqari, pandemiya tufayli daromadlarining pasayishiga duch kelgan mamlakat aholisi davlatdan 2 mln iyenagacha (taxminan 19 ming dollar) imtiyozli kredit olishlari mumkin bo‘ladi. 2 fevral kuni Yaponiya bosh vaziri Yosixide Suga mamlakatning o‘nta prefekturasida 7 fevralda tugashi kerak bo‘lgan favqulodda vaziyat rejimini yana bir oyga uzaytirdi. Ular orasida Tokio, Kanagava, Saytam va Tiba, g‘arbiy Osaka, Xyogo, Kioto, markaziy Gifu va Ayti, janubiy-g‘arbiy Fukuoka bor. — NHK.
Saudiya Arabistoni 20 mamlakatdan qirollikka kirishni vaqtincha taqiqladi
Saudiya Arabistoni koronavirus pandemiyasi sababli 20 mamlakatdan qirollikka kirishni vaqtincha taqiqladi. Ichki ishlar vazirligining farmoni 3 fevral, chorshanba kuni soat 21:00 dan kuchga kiradi. Argentina, Braziliya, Buyuk Britaniya, Germaniya, Misr, Hindiston, Indoneziya, Irlandiya, Italiya, Livan, BAA, Pokiston, Portugaliya, AQSH, Turkiya, Fransiya, Shveysariya, Janubiy Afrika, Yaponiya davlatlariga vaqtinchalik taqiq qo‘yilgan. Taqiq, boshqa mamlakatlardan kelgan sayohatchilarga, agar ular qirollikka kirish uchun [hujjatlar] topshirilgunga qadar 14 kun ichida ushbu 20 ta mamlakatdan birini bosib o‘tgan bo‘lsalar ham ta’sir qiladi. Agentlikning ta’kidlashicha, mamlakat fuqarolari, diplomatlar, tibbiyot xodimlari va ularning oilalari a’zolari, yuqorida aytib o‘tilgan mamlakatlardan kirib kelganlar yoki ular orqali tranzit bilan o‘tayotganlar qirollikka qaytishdan 14 kun oldin mamlakatga Sog‘liqni saqlash vazirligi tomonidan berilgan karantin choralari asosida kira olishadi". — Saudiya Arabistoni matbuot agentligi.
AQSH Ochiq osmon shartnomasiga qaytish imkoniyatini o‘rganib chiqadi
AQSHning yangi ma’muriyati Ochiq osmon shartnomasiga (OOSH) qaytish imkoniyatini o‘rganmoqda. Bu haqda Davlat departamenti matbuot xizmati rahbari Ned Prays brifingda aytib o‘tdi. «Biz [Ochiq osmon shartnomasi] masalasini o‘rganmoqdamiz, o‘z vaqtida qaror qabul qilamiz. Ma’lumki, Rossiya hali ham shartnomani to‘liq bajarmayapti», — dedi u. AQSH OOSHdan o‘tgan yilning 20 noyabrida chiqib ketgan edi. — TASS.
