Madaniy meros ob’ektlari reyestriga kiritilgan Toshkent kurantlarini bezatish Madaniyat vazirligi huzuridagi Madaniy meros departamenti bilan kelishilmagan, deya xabar qildi Anhor.uz. Madaniyat vazirligi matbuot xizmati ushbu ma’lumotni «Gazeta.uz»ga ham tasdiqladi.
Noyabr oyi oxirida Toshkent kurantlari binosining old qismida qizil rangli lentalar va bant paydo bo‘lgan edi.
Foto: «Kurantы» / Instagram
Madaniy meros boshqarmasining Anhor.uz nashriga xabar berishicha, Vazirlar Mahkamasining 2019 yil 30 martdagi (265-sonli) qaroriga binoan madaniy meros ob’ektlari va ularning qo‘riqlanadigan hududlarida tuproq ishlari, qurilish, melioratsiya va boshqa tadbirlar faqat Madaniy meros departamenti huzuridagi Ilmiy-ekspert kengashi ko‘rib chiqqandan so‘ng amalga oshiriladi.
Toshkent shahridagi Madaniy meros boshqarmasi tomonidan 27 noyabr kuni bant va lentalar paydo bo‘lganidan so‘ng, Mirobod viloyati hokimligi va Binolardan foydalanish departamentiga Toshkent kurantlaridagi noqonuniy o‘rnatilgan elementlarni olib tashlash to‘g‘risida ogohlantirish xatlari yuborilgani ma’lum qilindi.
Ammo binoning old qismidagi bant va lenta hozircha olib tashlanmagan.
