O‘zbekistonda joriy yilda 1 mln 34 ming gektar maydonda g‘o‘za parvarish qilinib, 3 mln 82 ming tonna yoki 2019 yilga nisbatan 109% paxta xomashyosi yetishtirildi. Bu haqda Qishloq xo‘jaligi vazirligi axborot xizmati ma’lum qildi.
Paxta yig‘im-terim rejasini to‘rtta viloyat to‘liq bajara olmadi, Farg‘ona natijasi esa eng ko‘pni tashkil etmoqda:
- Farg‘ona 107,7%
- Xorazmda 106,7%
- Andijonda 106,6%
- Namanganda 105,1%
- Toshkentda 104,4%
- Samarqandda 103,6%
- Qoraqalpog‘iston Respublikasi va Navoiyda 102,7%
- Jizzaxda 100,7%
- Qashqadaryoda 95,8%
- Sirdaryoda 93,5%
- Buxoroda 89,1%
- Surxondaryoda 82,3% paxta hosili terib olindi.
Paxta yetishtiruvchi 136 ta tumandan paxta yig‘im-terimini tizimli tashkil etgan 104 tasi, 97 ta paxta-to‘qimachilik klasteridan 78 tasi, 11 ta paxta kooperatsiyasidan 8 tasi hamda 29 ming ta fermer xo‘jaliklaridan 23 ming tasi shartnomani bajardi.
Respublikada har gektar paxta maydonida o‘rtacha hosildorlik 29,8 sentnerni tashkil qildi.
Joriy yilda faoliyat yuritgan 97 ta paxta-to‘qimachilik klasterlari tomonidan 927 ming gektar maydondan 2 mln 794 tonna paxta xomashyosi yetishtirildi.