2021 yil 1 yanvardan boshlab davlat boshqaruvi va mahalliy ijro etuvchi hokimiyat organlari xodimlarini huquqiy savodxonligi darajasini tekshirish taklifi kiritildi. Bu haqda tegishli hukumat qarori loyihasi muhokamaga qo‘yildi.
Davlat xizmatchilarining huquqiy savodxonligi darajasini baholash «Davlat xizmatchilarini sinovdan o‘tkazish moduli» — maxsus test tizimidan foydalangan holda amalga oshiriladi.
Ular huquqiy savodxonlik darajasi bo‘yicha har uch yilda bir marta rejali baholashdan o‘tishi kerak bo‘ladi.
Oliy, professional va o‘rta maxsus ta’lim muassasalari va tashkilotlarini tugatgandan keyin davlat tashkilotlaridagi vakant lavozimga ishga kirayotgan hamda ish stajiga ega bo‘lmagan shaxslar ishga qabul qilingan kundan boshlab o‘n ikki oy o‘tgach, lekin o‘n besh oydan oshmagan muddatda baholashdan o‘tkaziladi.
Ish stajiga ega bo‘lgan va boshqa davlat tashkilotlaridagi vakant lavozimga ishga qabul qilinayotgan shaxslar ilgarigi ish joyida baholashdan o‘tmagan bo‘lsa, ishga qabul qilingan kundan boshlab uch oy o‘tgandan keyin, lekin olti oydan oshmagan muddatda baholashdan o‘tkaziladi.
Davlat tashkilotida mehnat faoliyatini olib borayotgan davlat xizmatchisi xuddi shu tashkilotda boshqa lavozimga tayinlangan taqdirda, qayta baholashdan o‘tkazilmaydi.
Test savollari davlat tili va zarurat bo‘lgan hollarda qoraqalpoq tilida tuziladi.
Har bir davlat xizmatchisi tomonidan 40 ta test savoli bajariladi. Buning uchun jami 80 daqiqa vaqt ajratiladi. Har bir to‘g‘ri javob 2,5 balldan baholanadi.
Taklif etilayotgan nizomga ko‘ra, baholash natijalari quyidagicha tasniflanadi: a’lo — 86 ball va undan yuqori; yaxshi — 71 balldan 85 ballgacha; qoniqarli — 56 balldan 70 ballgacha; qoniqarsiz — 0 balldan 55 ballgacha.
Baholashdan muvaffaqiyatli o‘tgan davlat xizmatchilariga shaxsiy kabinetiga elektron tarzda QR kod orqali tasdiqlangan ma’lumot yuboriladi.
Ushbu talablar bo‘yicha bilimlarni tekshirish quyidagi lavozimlarga tegishli:
- vazirlar, davlat qo‘mitalari, idoralar, markazlar, qo‘mitalar, shuningdek Vazirlar Mahkamasi huzuridagi
- tashkilotlar rahbarlari (ularning o‘rinbosarlari va yordamchilari);
- Jo‘qorgi Kenges raisi, vazirlar, Qoraqalpog‘iston davlat qo‘mitalari va idoralari rahbarlari, viloyatlar va Toshkent shahar hokimlari (ularning o‘rinbosarlari va yordamchilari);
- bo‘limlar, asosiy bo‘limlar, direksiyalar, bo‘limlar, shtablar, kichik bo‘limlar va davlat boshqaruvining boshqa tuzilmalari rahbarlari;
- shahar va viloyat hokimlari (ularning o‘rinbosarlari va yordamchilari);
- barcha toifadagi mutaxassislar (maslahatchilar, kotiblar, buxgalterlar, inspektorlar, metodistlar, iqtisodchilar va boshqalar).
Adliya vazirligi davlat xizmatchilari huquqiy savodxonligini baholash natijalari haqida Vazirlar Mahkamasiga har olti oyda tahliliy axborot taqdim etadi.
Qonun loyihasi muhokamasi 2020 yilning 10 dekabriga qadar davom etadi.
Eslatib o‘tamiz, 2023 yilning 1 yanvaridan boshlab barcha rahbar va ma’sul lavozimga tayinlanadigan shaxslar uchun davlat tilini bilish darajasi bo‘yicha sertifikatga ega bo‘lish majburiy etib belgilanishi mumkinligi haqida xabar bergan edik. Hujjat loyihasida 2021 yil 1 apreldan boshlab o‘zbek tili va adabiyoti bo‘yicha bilimni baholashning milliy test tizimi asosida rahbar kadrlarning davlat tilida rasmiy ish yuritish hamda mas’ul lavozimlarga tayinlanadigan shaxslar uchun davlat tilini bilish darajasini aniqlash va sertifikat berish tizimi joriy etilishi ko‘zda tutilgan.
