Turkiya prezidenti BMT Xavfsizlik Kengashi tarqatilishi kerakligini aytdi
Foto: twitter.com/rt_erdogan
Turkiya prezidenti Rejep Tayyip Erdo‘g‘on global xavfsizlik tizimi samarali bo‘lishi uchun BMT Xavfsizlik Kengashi tarqatilishi kerakligini aytdi. Turkiya rahbarining so‘zlariga ko‘ra, Xavfsizlik Kengashi tuzilmasi adolatli va barqaror emas, 7 milliarddan ortiq odamlarning taqdirini beshta mamlakat rahmiga topshirish ham noto‘g‘ri. «Biz hammamiz ko‘rib turibmizki, o‘tgan asrning ehtiyojlariga mos ravishda shakllangan tuzilmalar yordamida bugungi qiyinchiliklarni yengib o‘tolmaymiz», — dedi Rejep Erdo‘g‘on. — EADaily.
Eron AQSHdan QKTHR tarkibidan chiqib ketish uchun tovon pulini talab qildi
«AQSH Eronning yadro dasturi bo‘yicha Qo‘shma ko‘p tomonlama harakatlar rejasidan (QKTHR) chiqib ketganligi uchun tovon pulini to‘lashi kerak», — dedi Eron tashqi ishlar vaziri Muhammad Javod Zarif. Eron AQSH bilan yadro dasturi bo‘yicha QKTHR bo‘yicha muzokaralar olib bormaydi, deya qo‘shimcha qildi vazir. — Gazeta.uz
BMT bosh kotibi 100 kun ichida barcha qurolli to‘qnashuvlarni to‘xtatishga chaqirdi
Foto: UN Photo
BMT bosh kotibi Antoniu Guterrish xalqaro hamjamiyatni 100 kun ichida barcha qurolli to‘qnashuvlarni to‘xtatishga chaqirdi. Birlashgan Millatlar Tashkilotining Bosh kotibi mart oyida koronavirus pandemiyasiga qarshi yanada yakdillik bilan kurashish uchun global sulh ahdini tuzishga chaqirdi, ammo hamma ham uning chaqirig‘iga amal qilmadi. «Pandemiya avj olgach, men janglarni to‘xtatishga chaqirdim. Bugun men xalqaro hamjamiyatni ushbu chaqiriqni joriy yil oxirigacha amalga oshirish uchun yangi sa’y-harakatlarni amalga oshirishga chaqiraman. Bizda roppa-rosa 100 kun bor», — dedi Guterrish BMT bosh assambleyasida so‘zlagan nutqida. Guterrishning aytishicha, uning dastlabki murojaatini 180 a’zo davlatlar, shuningdek diniy rahbarlar, mintaqaviy sheriklar va fuqarolik jamiyati vakillari qo‘llab-quvvatlashdi. — RIA Novosti.
AQSH va Xitoy o‘rtasidagi «savdo urushi» ning natijalari ma’lum bo‘lmoqda
Foto: fb.com/XinhuaNewsAgency
Deyarli barcha muhim ko‘rsatkichlar bo‘yicha oldinda ketayotgan Xitoy, AQSH bilan «savdo» urushining potensial g‘olibi bo‘lishi mumkin. Xitoyning yalpi ichki mahsuloti ikkinchi chorakda o‘tgan yilning shu davriga nisbatan 3,2 foizga o‘sdi. AQSH iqtisodiyoti yillik ko‘rsatkichi 32,9 foizga qisqargan. Bundan tashqari, yuan ketma-ket sakkiz hafta davomida mustahkamlanib bormoqda. Dollar, Xitoy valyutasidan farqli o‘laroq, so‘nggi paytlarda zaiflashmoqda. Pekin, shuningdek, AQSHdan importni ko‘paytirish bo‘yicha majburiyatlarini bajarish istagini bildirmayapti. — Bloomberg.
Angela Merkel BMT islohotlarga muhtoj deb hisoblaydi
Foto: UN Photo
Germaniya kansleri Angela Merkel BMT kelgusi rivojlanish uchun islohotlarga muhtoj va zamonaviy muammolarga javob berish uchun Germaniya ushbu jarayonda, shu jumladan BMT Xavfsizlik Kengashining kengaytirilgan tarkibi a’zosi sifatida javobgarlikni o‘z zimmasiga olishga va ishtirok etishga tayyorligini aytdi. «Global muammolar milliy chegaralar bo‘ylab kelishuv va hamkorlikni talab qiladi», — dedi Merkel koronavirus pandemiyasi bilan bog‘liq vaziyatni misol qilib keltirib. «Biz islohotlarga muhtojmiz. BMT XXI asrning global muammolariga javob bera olishi uchun yanada rivojlanishi kerak», — dedi Germaniya kansleri. — TASS.
Airbus vodorodda ishlaydigan samolyotlarning prototiplarini namoyish etdi
Foto: Airbus
Fransiyaning «Airbus» samolyot ishlab chiqaruvchi kompaniyasi dunyodagi birinchi ZEROye tijorat samolyotlarning chiqindilari nolga teng bo‘lgan uchta prototipni taqdim etdi. «Inqilobiy» texnologiyalar samolyotlarning chiqindilarini 50% gacha kamaytirishga qodir. «Besh yil oldin vodorod dvigatellari chiqindilarni kamaytirish uchun hayotiy texnologiya deb hisoblanmagan. Bugun biz vodorod aviatsiyaga chiqindilarni keskin qisqartirish nuqtai nazaridan taklif etayotgan ajoyib potensialidan juda xursandmiz», — dedi Airbus vitse-prezidenti Glenn Llevellin. — Gazeta.uz
