“O‘zsanoatqurilishbank” Navoiy filiali rahbari o‘rinbosari vafot etdi

Navoiyda koronavirus infetsiyasi aniqlangan “O‘zsanoatqurilishbank” hududiy filiali boshqaruvchisi o‘rinbosari X. Sh. vafot etdi. Navoiy viloyat hokimligi matbuot xizmati “Gazeta.uz"ga ushbu xabarni tasdiqladi.

Viloyat ma’muriyati ma’lumotlariga ko‘ra, 38 yoshli mutaxassis 2 iyul kuni viloyat bolalar yuqimli kasalliklar shifoxonasida koronavirusga test topshirgan. Unga “COVID-19” infeksiyasi og‘ir kechishi tashxisi qo‘yilgan. Kasallik ikki tomonlama zotiljam, nafas yetishmovchiligining 1−2-darajasi asorati bilan kechgan.

6 iyul kuni bemorning ahvoli o‘ta og‘irlashgan. Shifokorlarning sa’y-harakatlariga qaramasdan, u olamdan o‘tgan.

Avvalroq Navoiy viloyat hokimi Qobil Tursunov viloyat aholisiga murojaatida hududda koronavirusdan birinchi o‘lim holati qayd etilganini ma’lum qilgan edi.