Prezident tomonidan 17 mart kuni imzolangan qonun bilan «Mikromoliyalash to‘g‘risida"gi qonunga kiritilgan o‘zgartishga ko‘ra, qarz oluvchiga tadbirkorlik faoliyatini amalga oshirish uchun 300 million so‘mdan oshmaydigan summada mikrokredit beriladi. Bu haqda Adliya vazirligi matbuot xizmati xabar qildi.
Ilgari mikrokreditlar BHMning 1000 baravari (223 mln so‘m) miqdoridan oshmaydigan summada berilgan.
Shuningdek, jismoniy shaxslarga 50 mln so‘mdan oshmaydigan miqdorda mikroqarz berilishi belgilandi (Ilgari BHMning 100 baravari (22 mln 300 ming so‘m) miqdoridan oshmaydigan summada berilgan).
Qonun rasmiy e’lon qilingan kundan e’tiboran kuchga kiradi.
