Futbol bo‘yicha O‘zbekiston o‘smirlar terma jamoasining bosh murabbiy Otabek Otabek G‘ulomxo‘jayev rahbarligidagi murabbiylar shtabini egallab turgan lavozimidan ozod etildi, deya xabar qildi O‘zbekiston Futbol assotsiatsiyasi (O‘FA) matbuot xizmati. Bunga 11 noyabr kuni Saudiya Arabistoni o‘smirlar jamoasi bilan Osiyo chempionati saralash bosqichidagi o‘yinda (1:1) murabbiylarning o‘zlarini noprofessional tarzda tutganliklari sabab bo‘lgan.
Jamoaga sentyabrdan buyon O‘zbekiston terma jamoasi bosh murabbiyi Vadim Abramov yordamchisi bo‘lib ishlab kelayotgan Timur Kapadze bosh murabbiy bo‘ldi.
O‘smirlar termasi rahbariyatida o‘zgarishlar bo‘lishi ehtimoli haqida futbol eksperti Alisher Nikimbayev yozgan edi. U 28 noyabrda O‘zbekiston va Saudiya Arabistoni termalari o‘rtasidagi o‘yindan so‘ng janjal bo‘lib o‘tgani haqida yozdi.
OFKning Tartib-intizom va odob-ahloq qo‘mitasi uchrashuvni o‘rganib chiqdi va O‘FAga shikoyat maktubi yo‘llab, uchrashuv davomida O‘zbekiston yoshlar terma jamoasi murabbiylari o‘zini noprofessional tarzda tutganliklari va bo‘lajak musobaqa uchrashuvlaridan diskvalifikatsiya qilinishi mumkinligini ma’lum etdi.
O‘FA Ijroqo‘mi hodisa aks etgan videoyozuvni ko‘rganidan so‘ng O‘zbekiston U-19 terma jamoasi murabbiylar shtabini egallab turgan lavozimidan ozod etish bo‘yicha qaror chiqardi.
Temur Kapadze O‘zbekiston U-19 terma jamoasini kelasi yilning 14−31 oktyabr kunlari Toshkentda bo‘lib o‘tadigan Osiyo chempionati final bosqichiga tayyorlaydi.
«Yoshlarimizning ushbu chempionatgacha bo‘lgan tayyorgarlik rejasi ishlab chiqildi. Unga ko‘ra U-19 termasi tayyorgarlik jarayoni sanasi O‘zbekiston milliy terma jamoasining FIFA kunlari doirasidagi taqvimi bilan bir vaqtga to‘g‘ri kelmaydi. Shu sababli, Temur Kapadze milliy jamoada ham bosh murabbiy yordamchisi sifatidagi faoliyatini davom ettirish imkoniyatiga ega bo‘ladi», — deya qayd etdi O‘FA.
Osiyo chempionati saralash bosqichining uchta raundi yakunlariga ko‘ra O‘zbekiston F guruhida yetti ochko bilan ikkinchi o‘rinni egalladi. Saudiya Arabistoni (7) urilgan va o‘tkazib yuborilgan gollardagi farq hisobiga jadvalda birinchi o‘rinda bormoqda.
