Qashqadaryo viloyati hokimi Zafar Ro‘ziyev O‘zbekiston prezidenti Shavkat Mirziyoyevning tanqididan so‘ng ommaviy ravishda uzr so‘radi. Uning kechirim so‘ragani aks etgan videoyozuv Xalqaro press-klub tomonidan e’lon qilindi.
2 avgust kuni bo‘lib o‘tgan yig‘ilishda davlat rahbari Xorazm viloyati hokimi Farhod Ermanov, Qashqadaryo viloyati hokimi Zafar Ro‘ziyev va Farg‘ona viloyati hokimi Shuhrat G‘aniyevni aholi va tadbirkorlarga tegishli mulklarni ommaviy ravishda buzib yuborayotgani uchun tanqid qilgandi.
Shavkat Mirziyoyev Abdulla Aripovga hokimlarning internetda murojaat bilan chiqishlari yuzasida topshiriq bergan edi.
«Ular qanday murojaat qilishini sizlar o‘zingiz aytinglar. Ular butun mamlakatga: „Mening ahmoqligim, xoinligim tufayli. O‘zbekiston haqida o‘ylamanglar, men ahmoqman“ deb aytsin», — degan edi prezident.
Zafar Ro‘ziyev prezident Yakkabog‘ tumanida tadbirkorning unga tegishli ikki qavatli, do‘kon va sex joylashgan binoni buldozerda shaxsan o‘zi buzmoqchi bo‘lgan tuman hokimi o‘rinbosarini yoqib yuborgani bilan bog‘liq vaziyat aloqador emasligi bildirdi.
«Eski Yakkabog‘ni namunali qishloqqa aylantirish qarori viloyat hokimligi tomonidan qabul qilingan. bu vaziyatda viloyat hokimligi, tuman hokimligi aybdor. Hukumatdan, davlatdan, qadrli xalqimizdan, hurmatli blogerlardan, hurmatli jurnalistlardan, mazkur holatdan jabr chekkan tadbirkordan yuz, ming martalab kechirim so‘rayman va ularga ta’zim qilaman», — dedi u.
Qashqadaryo viloyati hokimi mazkur masalada katta xatoga yo‘l qo‘yganini tan oldi.
«Biz uchun bu xato… Agar bu mumkin bo‘lsa, buning uchun sharoit tashkil etiilsa… Vaqt, hayot o‘zgarganini men ko‘rib turibman. Endilikda snos, demontaj qilish va buzish siyosatidan butunlay voz kechamiz. Buyog‘iga barcha bilan alohida ishlaymiz, har bir oila bilan alohida shug‘ullanamiz, uning imkoniyatlari, talablari va istaklarini o‘rganamiz. Bu odamlar ham yaxshi, to‘kin hayotda yashashni istashadi. Ammo biz ularning istaklariga qarshi chiqmay, ularning imkoniyatlarini inobatga olgan holda ularga yordam berishimiz kerak», — dedi viloyat ma’muriyati rahbari.
Uning so‘zlariga ko‘ra, qurilish ishlari uzoq muddatni nazarda tutuvchi bosh rejaga binoan amalga oshirilishi zarur. Bundan ko‘zlangan maqsad «mazkur ob’ektlardan 5−6 avlodning foydalanishi». Zafar Ro‘ziyev buzish ishlari qonunga binoan amalga oshirilishi zarurligini, kelishuv asosida bo‘lishi lozimligini va tadbirkorlar va aholida mustaqil baholovchini jalb etish imkoniyati bo‘lishi kerakligini bildirdi.
