O‘zbekiston Respublikasi Maktabgacha ta’lim vazirligi huzuridagi Ixtisoslashtirilgan loyiha-izlanish instituti va Infratuzilmani rivojlantirish injiniring kompaniyasi faoliyatini tashkil etish chora-tadbirlari to‘g‘risidagi hukumat qarori qabul qilindi. Bu haqda Adliya vazirligining telegramdagi «Huquqiy axborot» kanali orqali xabar berildi.
Ixtisoslashtirilgan loyiha-izlanish instituti davlat-xususiy sheriklik loyihalari bo‘yicha bosh loyiha tashkiloti etib belgilangan.
Qarorga muvofiq, institutning asosiy vazifasi loyiha hujjatlarini ishlab chiqish, xorijiy loyiha tashkilotlari tomonidan ishlab chiqilgan loyiha hujjatlarini O‘zbekistonning texnik normativ hujjatlariga moslashtirish hisoblanadi.
Infratuzilmani rivojlantirish injiniring kompaniyasi maktabgacha ta’lim tizimi ob’ektlari bo‘yicha buyurtmachidir.
Kompaniya maktabgacha ta’lim muassasalari va infrastruktura ob’ektlarini o‘z muddatida foydalanishga topshirish uchun mas’uldir.
