24 fevral tongida o‘zbekistonlik professional bokschi Shahram G‘iyosov faoliyatidagi yettinchi jangini o‘tkazadi. Meksikaning Tixuana shahrida o‘tkaziladigan jangda Shahramga meksikalik Edgar Puerto raqiblik qiladi. Bu haqda MOQ matbuot xizmati xabar berdi.

Ma’lumot uchun, Shahram bugungi kunga kelib prof ringda 6 ta jang o‘tkazgan va ularning barchasida g‘alaba qozongan. Beshtda bahsni muddatidan oldin o‘z foydasiga hal etgan.

Edgar Puerto esa shu kungacha 37 ta jang o‘tkazgan. Ularning 25 tasida g‘alaba qozongan (19 ta nokaut). 11 marotaba mag‘lubiyatga uchragan (5 ta nokaut) va 1 ta durangga erishgan.