O‘zbekiston Respublikasi yoqilg‘i-energetika tarmog‘ini boshqarish tizimini tubdan takomillashtirish chora-tadbirlari to‘g‘risidagi prezident farmoni qabul qilindi. Bu haqda Adliya vazirligining telegramdagi «Huquqiy axborot» kanali orqali xabar berildi.
Farmon bilan yoqilg‘i-energetika tarmog‘ini yanada rivojlantirishning ustuvor yo‘nalishlari belgilandi hamda Energetika vazirligi tashkil etildi.
Vazirlikning asosiy vazifasi yoqilg‘i-energetika tarmog‘ida yagona davlat siyosatini amalga oshirish hisoblanadi.
Quyidagilar vazirlik tarkibiga o‘tkazildi:
Atom energetikasini rivojlantirish agentligi;
Neft mahsulotlari va gazdan foydalanishni nazorat qilish inspeksiyasi;
Elektr energetikada nazorat inspeksiyasi.
«Energiya tejash milliy kompaniyasi» aksiyadorlik jamiyati tugatildi.