Ochilboy Jumaniyozovich Ramatov O‘zbekiston prezidenti Shavkat Mirziyoyev farmoni bilan bosh vazirning birinchi o‘rinbosari — transport vaziri etib tayinlandi. «Gazeta.uz"ning hukumatdagi axborot manbasining xabar berdi, bu haqda dushanba kuni Vazirlar Mahkamasida bo‘lib o‘tgan majlisda ma’lum qilingan.
Avvalroq Ochilboy Ramatov (1962 y. t.) bosh vazirning birinchi o‘rinbosari, «O‘zbekiston temir yo‘llari» temir yo‘l kompaniyasi boshqaruvi raisi (2002 yildan) — Hududlarni kompleks rivojlantirish, kommunal soha, transport, kapital qurilish va qurilish industriyasi masalalari kompleksi rahbari lavozimida faoliyat ko‘rsatgan edi.
Transport vazirligi tashkil etilgani to‘g‘risida rasmiy axborot berilganicha yo‘q, biroq 2019 yilgi Davlat dasturida 1 iyulga qadar transport sohasida (havo, temir yo‘l, avtomobil transporti va metropoliten) davlat boshqaruvi bo‘yicha yagona davlat tarif siyosatini amalga oshiruvchi organ tashkil etish ko‘zda tutilgan edi. Yangi organga «O‘zbekiston temir yo‘llari» va «O‘zbekiston havo yo‘llari» Milliy aviakompaniyasi (Uzbekistan Airways) davlat-hokimiyat vakolatlari beriladi.
Ilk bor Transport vazirligi tashkil etilishi to‘g‘risidagi rejalar o‘tgan yili 28 avgust kuni Shavkat Mirziyoyev raisligida o‘tgan avtomobil transporti masalalari bo‘yicha majlisda tilga olingan edi. Biroq yangi vazirlik to‘g‘risida xabar qilgan O‘zA keyinroq u haqdagi eslatmani o‘chirdi.
2018 yil 28 maydan buyon bosh vazir o‘rinbosari — ta’lim, sog‘liqni saqlash, jismoniy tarbiya, sport, turizm masalalari bo‘yicha hukumat kompleksi rahbari Aziz Abduhakimov ijtimoiy rivojlantirish masalalari bo‘yicha bosh vazir o‘rinbosari bo‘ldi.
2017 yil noyabrdan bosh vazir o‘rinbosari — moliya vaziri — Vazirlar Mahkamasining makroiqtisodiy tahlil va prognozlashtirish, moliya va bank tizimlarini isloh qilish, xususiy tadbirkorlik va kichik biznesni rivojlantirish masalalari kompleksi rahbari Jamshid Anvarovich Qo‘chqorov (1964 y. t.) bosh vazir o‘rinbosari — moliya vaziri etib tayinlandi.
Bosh vazir o‘rinbosari — Xotin-qizlar qo‘mitasi raisi Tanzila Norboyeva o‘z lavozimini saqlab qoldi.
Avvalroq Elyor G‘aniyevning investitsiyalar va tashqi iqtisodiy aloqalar masalalari bo‘yicha bosh vazir o‘rinbosari, sobiq bosh vazir o‘rinbosari Alisher Sultonovning energetika vaziri etib tayinlangani haqida xabar qilingan edi.
