Departamentning Sirdaryo viloyat boshqarmasi xodimlari tomonidan Sayxunobod tuman prokuraturasi bilan hamkorlikda, departamentning Sayxunobod tuman bo‘limi inspektori A.R.ning bildirgisiga asosan tezkor tadbir o‘tkazildi. Bu haqda Bosh prokuratura matbuot xizmati xabar berdi.
Tuman DSENM bosh shifokori B.D. o‘zi rahbarlik qilayotgan tashkilot faoliyati bo‘yicha o‘tkazilgan tekshirishda aniqlangan kamchiliklarni dalolatnomada ko‘rsatmaslik evaziga bo‘lim inspektori A.R.ga 200 AQSH dollari pora sifatida taklif qilib, 200 AQSH dollarini A.R.ning xizmat xonasida bergan vaqtida ashyoviy dalillar bilan ushlangan.
Mazkur holat yuzasidan B.D.ga nisbatan O‘zbekiston Respublikasi Jinoyat kodeksining 211-moddasi 1-qismi bilan jinoyat ishi qo‘zg‘atilib, tergov xarakatlari o‘tkazilmoqda.
