Toshkent viloyatining Bo‘stonliq tumanida qidiruv-qutqaruv ishlari olib borildi, deb xabar qildi Favqulodda vaziyatlar vazirligi matbuot xizmati.
13 avgust kuni soat 10:50 da tezkor harakatlanish maxsus otryadi navbatchilik qismiga yordam so‘rab qo‘ng‘iroq qilingan. Unda besh kishidan iborat sayyohlar guruhi Bo‘stonliq tumanida toqqa ko‘tarilib, adashib qolgani aytiladi.
Qutqaruv otryadi navbatchilik qismi tezkorlik bilan qidiruv-qutqaruv ishlarini boshlab yuboradi.
Shu kunning o‘zida 12:45 da jabrlanuvchilar tog‘ning yuqori qismidan topiladi.
Qutqaruvchilar jabrlanuvchilarga birinchi tibbiy yordamni ko‘rsatganidan so‘ng ularni aholi punktiga evakuatsiya qildi.
