25 iyul kuni taxminan soat 16:00da Saratov viloyatining Ozinsk tumanida sodir bo‘lgan yo‘l-transport hodisasi oqibatida besh nafari O‘zbekiston fuqarosi bo‘lgan to‘qqiz kishi shikastlangan. Bu haqda O‘zbekiston TIV matbuot xizmati Moskvadagi mamlakat elchixonasi va Rossiya Favqulodda holatlar vazirligiga tayangan holda xabar qildi.
To‘qnashuvda «Lada-Largus» va «Ford Mondeo» avtomobillari ishtirok etgan. O‘zbekiston fuqarolari «Lada-Largus"da bo‘lgan va o‘rtacha og‘irlikda jarohat (lat yeyish va sinish) olgan.
Jarohat olganlar Ozinsk klinik kasalxonasiga yetkazildi. O‘zbekiston fuqarolariga yordam ko‘rsatish maqsadida Elchixonaning konsullik bo‘limi zudlik bilan Rossiya FVV bilan bog‘lanib jarohatlangan O‘zbekiston fuqarolari to‘g‘risida ma’lumot oldi:
1. Madragimov Mahamadali Rayimberdiyevich,
2. Qurbonov Sirojiddin Fayzullo o‘g‘li,
3. Xolmatov Abdujabbor Toshtemirovich,
4. Sodiqov Mirjalol Egamberdiyevich,
5. Badalov Jamshidbek Husanboy o‘g‘li, 20.05.1991yilda Farg‘ona viloyati Rishton tumanida tug‘ilgan.
Ushbu fuqarolarning yaqinlari ularning holati to‘g‘risida Rossiya FVVning +7 937 639−01 43 raqami orqali ma’lumot olishlari mumkin.
Mazkur holat O‘zbekistonning Rossiyadagi Elchixonasi nazorati ostiga olingan.
