1 oktyabrdan tabiiy gazni hisoblash uskunalari bo‘lmagan maishiy iste’molchilarga yetkazib berish belgilangan tarifning ikki baravar qiymatini qo‘llagan holda amalga oshiriladi. Bu haqda O‘zbekiston Prezidentining 20 apreldagi qarorida aytiladi.

1 iyundan yetkazib berilgan gaz uchun qarzdorligi tufayli, gazdan uzib qo‘yilgan iste’molchilardan gaz ta’minoti tarmoqlariga qayta ulanish uchun eng kam oylik ish haqining ikki baravari miqdorida to‘lov undirib olinadi.

Hujjatda, shuningdek, zamonaviy gazni hisoblash elektron uskunalari «O‘ztransgaz» kompaniyasi mablag‘lari hisobidan o‘rnatilishi, iste’molchilar esa hisoblagichlar pulini yil davomida to‘lab berishi ko‘zda tutilgan.