10 mart kuni Prezident maslahatchisi — Qozog‘iston Xavfsizlik kengashi kotibi Vladimir Jumakanov boshchiligidagi Qozog‘iston delegatsiyasi Toshkentga tashrif buyurdi, deb xabar qildi O‘zA.
Delegatsiya O‘zbekiston va Qozog‘iston o‘rtasidagi mahkamalararo ikki tomonlama maslahatlashuvlar bo‘yicha o‘tkazilayotgan birinchi majlisda ishtirok etdi.
Muzokaralarda ikki mamlakatning huquqni muhofaza qilish organlari va davlat muassasalari rahbarlari ishtirok etdi. Zamonaviy xavf-xatarlar va barqarorlikka tahdidlar, diniy ekstremizm va terrorizm, noqonuniy migratsiya va boshqalarga qarshi kurashda hamkorlik istiqbollari muhokama qilindi.
Yuzaga kelgan zamonaviy tahdidlar va xavflarni birgalikda bartaraf etish uchun o‘zaro aloqalarni rivojlantirish bo‘yicha takliflar ishlab chiqildi.
